Biubiu e rua na timi ni Viti

A VOSA tiko na turaga Peresitedi ni noda matanitu ko Jioji Konrote ena nona marautaka ka doka na nodrau na vakaitavi tiko na timi ni netball e rua, na timi ni yabaki 21 lako sobu ka na vakaitavi tiko ena sotasota ni ‘World Youth Cup’ mai Gaberone, Botswana kei na timi ni ‘Fiji Invitational Club’ me na la’ki vakaitavi ena sotasota ni ‘International Super Club’ mai Niu Siladi.

E tukuna na Peresitedi ni marautaka na nona mai ciqomi ira na goneyalewa dauqito ka ra lewena tiko e levu na gonevuli ena sekenari ka sa qai dua vei ira na timi gone me biuta na noda matasawa.

E tukuna o Konrote ni dua na bolebole levu ni vakaraitaka na noda yaloqaqa ka i vakatakilakila ni noda vanua.

E solia tiko e dua na vakasama ni i nuinui vei ira na i tabagone kei ira na noda dau ni veiliutaki ena veisiga ni mataka.

Na timi ni Viti ena qito tiko vakatobu kei na timi ni Igiladi, Welesi, Grenade, Tobago kei Trinidad.

Ia e tukuna o Konrote ni vakabauta ni ratou na qito vianka na noda matatimi ena qito qo.

Ia, e kuria o koya ena nona vakayaloqaqataki ratou na noda timi ni rakavi tinikalima, ena vuku ni sega ni taucoko na veika ni gacagaca ni vakaukauwa yago ia e sega ni vinakati tale na i lavo me rawa ni vakatoroicaketaki na yalo ni vala e dau tu vei keda na lewei Viti ena buturara ni qito.

E tukuna o Konrote me vaka ni o koya na Peresitedi ni noda vanua o Viti, e vakavinavinakataka na Kalou ena vuku ni taledi e vakalougatataka tu kina na noda vanua, ena nona ciqoma tiko na nodra i tatau na timi.

Ia, e doka o Konrote na nona mai ciqoma na nodrai tatau na goneyalewa ena timi e rua oqo ka solia talega na nona i vakanuinui vinaka ena timi e rua.

More Stories