$42 na milioni na wainimate

Update: 9:53AM ESA vakarautaka na matanitu e $42 na milioni me na voli kina na wainimate me baleti keda na lewenivanua, wili kina na iyaya ni veiqaravi me baleta na noda ilovi ena misini se na X-ray.

Esa dau vakawasoma tiko na kena dau kau cake mai na tikina oqo ena kena dau lailai se oti tu e dua na mataqali wainimate e na noda valenibula. 

Na i okaoka ni lavo talega oqori, ena voli kina na i yaya ni moce, na i yaya ni veiqaravi e na valenibula kei na valeniwai kece e Viti,

 Ena namaki me ra na curu talega mai e  350 na vuniwai mera na cakacaka ena valenibula ni matanitu, ka sa vakarautaka e $24.6 na milioni na matanitu ena i tuvatuva oqo.

 Vakavinavinakataka na Minisita ni Bula o Rosy Akbar na nodratou i tuvatuva vakailavo ena yabaki vou vakailavo oqo ni matanitu.

 Esa toso cake talega na i okaoka ni lavo ni matanitu ena kena vukei o ira na noda e tauvi ira na mate ni ivi, ka sa vakarawarawataki na veiqaravi ni valenibula era dau gadreva ena veigauna.

 Ena yabaki vakailavo vou oqo e vakarautaki ki na minisitiri ni bula e $321.2 na milioni, ka tubu cake ena $77 na milioni.

 Na i lavo e vakarautaki talega oqo e oka kina na tubu ni kedra i sau na nasi.

 Ena tomana tikoga na matanitu na kena soli wale na wainimate vei ira na vuvale e tiko ena $20,000 na levu ni lavo era rawata ena loma ni dua na yabaki.

 E sa vakarautaka tu na matanitu e $10 na milioni me na vukei kina o ira na matavuvale era na vukei tiko ena tikina oqo.

More Stories