Waraka na dina ni raivotu

SA koto yani oqo na i kuri ni utkutuku nei Uliano Metuisela ena vuku ni nona raivotu me vaka sa vakaraitaka oti vei iratou nas vakailesilesi ni tabana liga ni wau ni matanitu ka sa nanuma o koya ni sa kena gauna oqo me wasea yani vei kemuni na lewenivanua mo ni kila.

SA koto yani oqo na i kuri ni utkutuku nei Uliano Metuisela ena vuku ni nona raivotu me vaka sa vakaraitaka oti vei iratou nas vakailesilesi ni tabana liga ni wau ni matanitu ka sa nanuma o koya ni sa kena gauna oqo me wasea yani vei kemuni na lewenivanua mo ni kila.

E na yabaki 2006 e na vula ko Veverueri e na i matai ni macawa e a qiri yani na Roko Tui Cakaudrove ya o Wainiqolo Ravuso donuya na gauna e a se cakacaka tiko kina e na TFL o Metuisela e Taveuni.

E vaka oqo na nona i tukutuku ki vua: ?Metui, o liuliu ni Veitarogi Vanua e kerekere tiko mai mo vakamacalataki kemudou mada mai se dou lako mai vei se cava na vuni nomudou biuta na nomudou delaniyavu, ya e dakuniba cava talega ka cava talega na vu ni nomudou biuta kina na nomudou delaniyavu, ka vaka kina se cava na vuna ese tiko kina e Nasinu kei Viana e na boto ni toba o Natewa e so vei kemudou

Kaya o Metisela ni a tarogi koya elsu ka vaka: ?Na cava e sega ni volavola mai kina ke gadreva e dua na ka me via kila me rawa ni keitou vakadinaidinataka ni sa laurai na nona sainitaka na yacana.?

Kaya o koya ni sauma lesu yani o Ravuso ka kaya ni so walega na i ulubale lokiloki ka sa siqema rawa ni sa baci dua na vere sasa tekivu me basika cake tale yani me baleti iratou.

Sa mani taroga lesu tale yani vei iratou me tekivu mai vei na nona vakamacalataka na vanua e ratou a lako mai kina, mai valagi se VCiti ga.

Kuria ka kaya ni a mani sauma na Roko Tui Cakaudrove ka vaka ne: ?E Viti ga.?

Na vu ni neitou vakatarogi tiko mai ko ya ni via kila tiko se o cei dina o iratou baleta ni nanuma ga ni ratou sa kawaboko oti yani me vaka ni a sasagatki e na dua na gauna sa oti.

E a mani vola kina o Metuisela e dua na i vola ka vakalekaleka sara me vaka ni sa kila ni sa vakarau tarava yani na Veitarogi Vanua.

E a vola tiko na i vola ko ya e na i ka 14 ni Veverueri, 2006 vua na Roko Tui Cakaudrove, ka rau yadua talega na kena i lavelave na i Liuliu ni Veitarogi Vanua kei n ai Liuliu ni Bose ni Yasana o Cakaudrove.

E vaka koto oqo na lewe ni i vola: ?Oi keitou oqo na kawa ni Yavusa Bete ka cavutu mai Nakauvadra ki Verata ka dewa sara mai Dakuniba e Vanua Levu ka keitou dau maroroya ka taqomaka na i yau kei Viti kei na kena ni mana.

?A mai yaco na tawase ni ratou sa mai liumuritaki keitou o iratou nakawa ni Kavula o koya e ratou vasu vei keitoue na vuku beka ni lomakocokocko ka sagai kina me keitou vakawabokotaki e na vuku ni neitou i tutu kei na kena i tavi, aya na maroroi ni i yau kei Viti kei na kena kato ni mana.

?Ratou a veitokoni talega ena sasaga butobuto oqo me keitou vakawabokotaki o iratou na i tubutubu ni gonelailai ka dau cocoka tu ga mai cakau.?

Kaya o Metuisela ni laetaka e vica na tikina oqo baleta ni sa rui balavu.

A kena i ulutaga na Qele Kawaboko na kena kawa ni Mataqali ko Viqa, Yavusa Mabuco, Tikina o Cakaudrove ka Yasana o Cakaudrove.

Kuria ka kaya ni a vola vei iratou na balavu ni gauna e ratou a sasagataka voli kina ka sa oti yani e 30 na yabaki na kena dede ka ratou sega ni via rogoca e dua na ka dina ka dodonu ka ratou sa dabe ga ena dua na lawa koya e davo no mai ka dau vola tu ga mai vakaivola me da wele tu kina me vaka na i vola nei Ilaitia Caginavanua ena 2004 mai na tabana ni qele kovu e Dakuniba.

E kaya o Metuisela ni rui sivia ga na veivakalaboci.

?O keitou oqo na kawa ni ulumatua ni Yavusa Bete ka dau maroroya na kato ni mana kei na i yau kei Viti. Ko tubu i keitou e dau kacivi e na Ratu Levu.

?Keitou a sagai me keitou kawabokotaki mai vei iratou na kawa ni Kavula kei na dua na turaga ni Rewa.

?Oqori na nona i tubutubu na gonelailai ka dau cocoka ka butakoci na i tutu vaka Ratu Levu, kena qele kei na kena i qoliqoli ka ra sa labati kina na neitou kawa, ka sa sagai e na gauna oqo me keitou kakua ni vakabulai vakaivola e na neitou delaniyavu dina oya e Mabuco e na koro o Dakuniba,? e kaya o Metuisela.

E vakaraitaka o o kaya ni vakabauta ni sa rawa ni tauri e ke na i soqoni ni vakatataro se cava na vuna e solia ki vua na Kalou me lewa na naba na S8001.

Ia, na i tutu vaka Ratu Levu, e kaya o Metuisela, ka dau maroroya na i yau kei Viti kei na kena kato ni mana e sa vakadeitaka tikoga na noda Kalou vei iratou, ya me vaka ko ni sa vakamuria tiko mai e na i talanoa e dau cauraka tiko yani.

Namaka na kena i kuri ka tarava.

More Stories