Viribai o Nadro

VAKARAITAKI mai na keba ni timi ni BLK Nadroga nira sa tu vakarau tu mera na taqomaka tale na bilo na HFC Bank Farebrother mai vua na timi ni Namosi ka na laki bolebole tiko yani ena rara mai Lawaqa ena Vakarauwai oqo.

E tukuna na manidia ni timi o Iliavi Kato ni sega vakadua ni veisau na nodratou vakavakarau me tekivu mai na i matai ni bolebole me yacova mai oqo.

E sa mai oti e lima na bolebole ka oqo na i ka ono ia e sega ni luluqa na neimami rai kei na nanamaki ki na dua tale na qito.

E sega ni veisau na neimami vakavakarau vei ira na veitimi kece, e dua tuga, oya na kedra dau dokai na veitimi ka wili kina o Namosi baleta nira timi ni yasana ka tiko tale ga na gaunisala vakavanua ni veiwekani.

Na kena mai druka o Tailevu ena macawa sa oti, ea yalani tale ga ena yakavi ni Vakarauwai na kena vakanananu ka sa guilecavi, keimami sa vakarautaki ira ga na cauravou ena ka e tu e matai keimami oya na sota kei na wekai keitou mai Namosi ka ra sa tu vakarau kina na cauravou mera taqomaka tale na rara e Lawaqa, tukuna o Kato.

E tukuna ni timi vinaka na timi ni Namosi kaa veivolekati sara na kai ena wavoki ni sotasota ni bilo na Skipper.

Ia oqori na Skipper ka duatani na qitotaki ni Farebrother, e kuria ka kaya.

Esa veisureti tu na turaga manidia ki vei kemuni na dauveitokoni kina timi e rua moni gole yani vakalevu kina rara e Lawaqa ena yakavi ni Vakarauwai oqo.

Na nodrau sota na timi e rua oqo e na vakayacori tiko e na 3 na kaloko e na rara mai Lawaqa ena Vakarauwai qo.

Latest posts

More Stories