Vili wi o Tailevu

E mai vili wi na timi ni Tailevu vua na timi ni Namosi ena rara na Thompson e Navua ena Vakarauwai sa oti ena 40 kei 5

E mai vili wi na timi ni Tailevu vua na timi ni Namosi ena rara na Thompson e Navua ena Vakarauwai sa oti ena 40 kei 5

Oqo e dua na yabaki dredre ni rakavi ena yasana vakaturaga o Tailevu me vaka ni se bera ni bau qaqa vakadua ni sa mai oti e walu na wavoki ni sotasota ni bilo na Skipper.

E sega ni dau vakaoqo na timi ni Taillevu ena veiyabaki sa oti.

Ia ena dua na yasana ena dodonu me qarauni ena vica na yabaki mai oqo me vaka ni ratou tosoya cake tiko ga na i vakarau ni nodratou qito, dina mada ga ni sega tiko na qaqa.

E tukuna e dua na vakailesilesi ni Tailevu o Sirilo Ramenatave dina ga ni ratou druka e marautaka na yalo ni tabu soro e tikoo vei ira nona cauravou gone.

Ia mai na timi ni Namosi era qito sara vakavinaka na kena cauravou ka ra vakayagataka vinaka na kedra bi ena nodra cumulaki ki muri na Tailevu ena gauna ni sikaramu.

Dina ga nia draki ca tiko na rara, e dredre me lutu na polo ena ligadra na cauravou ena gauna era dau kabakoro kina.

E tukuna na dauniveivakatavulici ni Namosi o Timoci Wainiqolo ni marautaka na qaqa ia e se tiko ga e so na malumalumu.

Na timi ni Namosi e nona takete me kua ni druka vakadua e nona rara ka sega ni cala vakadua na vakanananu oqori me vaka nira qaqa kece tiko mai ena kena taqomaki nodra rara.

O Wainiqolo e mai tosoya cake sara ga nai vakatagedegede ni qito ena timi ni Namosi ena nona veiliutaki me tekivu mai ena vica na yabaki sa oti.