Veivuke o Ositerelia

Na matanitu o Ositerelia e sa solia mai na veivuke ka tiko na kena i sau vakailavo ena $85,000.

Na veivuke oqo me na vukei ira kina na lewenivanua era mai vakaleqai ni oti na cava o Keni, ia e sa soli na veivuke oqo ki na Tabana ni Kauveilatai Damudamu ena noda vanua.

Na veivuke e vakarautaki oqo e wili kina na kena veivotayaki na i yaya eso me vaka na sovu ni sili, kei na yaya ni kena vakabibitaki na tiko savasava.

E dua talega na i wase ni lavo rauta ni $50,000 e sa solia na matanitu ko Ositerelia ki na matanitu ena kena vukei na nodra vakacokotaki ka vagoleio vakatotolo na veivuke vei ira na lewenivanua era mai vakaleqai ni oti na cava o Josie ka liwavi Viti ena macawa rua sa oti.

E dua talega na timi mai na valenivolavola ni mata mai Ositerelia era sa laki veisiko ena kena vakasokumuni mai na itukutuku me baleta na vakacaca e yaco ni vakanadaku na cava e rua oqo.

E tauri rawa na i tukutuku ni levu na iteitei mai Ba, Tavua e ra vakila na dauteitei na kena mai vakacacani na nodra i teitei, ka ra bau vakila talega na vakacaca ni waluvu na daususu manumanu.

Mai Kadavu, e namaki me ratou na vakasokumuna talega na Tabana ni Teitei na vakacaca e tara na nodra loga ni yaqona na lewenivanua mai keya, ka ni dua na i vurevure levu ni lavo vei ira mai keya na yaqona.