Veicoqacoqa

Listen to this article:

Veicoqacoqa

Update: 11:28AM E A sa mai solia o Koli Sewabu na nona i vola ni kere vakacegu mai na nona itutu ni dauniveivakatavulici ena timi ni Naitasiri ena Vakaraubuka sa oti. E levu sara na lomatarotaro e basika tiko ena vuku ni nona mai kere vakacegu o Sewabu. Ia, ena gauna qo esa la�ki macawa dua tiko mai Niu Siladi o koya ena nona la�ki tiko vata kei ratou na timi ni Auckland Blues.

Ia, esa mai solia talega na nona i vola ni vakacegu mai nai tutu vakavunivola ni timi ni Naitasiri ko Nimilote Naisorotabua ena Lotulevu sa oti. A vakatarogi o Naisorotabua mai na Nai Lalakai ka tukuna o koya ni sa rui levu na tevere kei na veicoqacoqa ena loma ni vakailesilesi ni timi.

�E sa dua na ka na levu ni tavere, na veicalati, veicoqacoqa kei na dredre e mai yaco tiko,� e kaya o Naisorotabua.

E tukuna o Naisorotabua ni solia na nona gauna ena vuku ni timi ni Naitasiri ena gauna au a taura tiko mai kina na itutu vakavunivola, ia e seva ni mai basika eso na duidui ka sa mai vakavuna na noqu sa kere vakacegu.

E vakaraitaka ko Aseri Radrodro na jeameni ni timi ni Naitasiri ni sa waraki tiko qo ko Koli Sewabu me na dua na bose me vakayacori ka mena vakaraitaka kina vakamatata ena loma ni bose se cava na vuna e mai kere vakacegu kina.

�Na nona vakacegu o Nimilote Naisorotabua e ulubaletaka ga na nona osooso vakacakacaka,� e kaya o Radrodro.

A vakaraitaka talega mai ko Ratu Vilimoni Vuki na Gone Turaga lailai e Navuso ka peresitedi tiko ni soqosoqo ni rakavi unioni e Naitasiri ni sa mai rogoca na nodrau kere vakacegu o Sewabu kei Naisorotabua ia e ratou na bose tiko ena dua na gauna lekaleka mai oqo ka me rawa ni matata kina na veika esa mai yaco.

�Na neitou bose qo me na qai macala ka vakadeitaki kina me na taura tikoga o Sewabu na dauniveivakatavulici se me sa na dua na dauniveivakatavulici vou kei na vunivola vou,� e kaya o Ratu Vuki.

E kuria o Ratu Vuki ni sa siqema rawa tiko na vunileqa e basika tiko ena loma ni vakailesilesi ni timi ni yasana ka sa na tovolea me na wali vakavinaka na tikina oqo ena gauna ni bose.

Array
(
    [post_type] => post
    [post_status] => publish
    [orderby] => date
    [order] => DESC
    [update_post_term_cache] => 
    [update_post_meta_cache] => 
    [cache_results] => 
    [category__in] => 1
    [posts_per_page] => 4
    [offset] => 0
    [no_found_rows] => 1
    [date_query] => Array
        (
            [0] => Array
                (
                    [after] => Array
                        (
                            [year] => 2023
                            [month] => 12
                            [day] => 28
                        )

                    [inclusive] => 1
                )

        )

)

No Posts found for specific category