Vanua ni tatadra

ESA oka talega o Viti me dua na vanua ni tatadra ka ra dau domona se wainidivataka na vulagi saravanua me vaka e a vakayacora e dua na kena saveya e dua na kabani ni veilakoyaki e vuravura na Virtuoso, ka oka kina e 26 na matanitu kei na sivia e 9,000 na kena daunivakasala.

ESA oka talega o Viti me dua na vanua ni tatadra ka ra dau domona se wainidivataka na vulagi saravanua me vaka e a vakayacora e dua na kena saveya e dua na kabani ni veilakoyaki e vuravura na Virtuoso, ka oka kina e 26 na matanitu kei na sivia e 9,000 na kena daunivakasala.

Na Virtuoso esa vakaaycora tiko mai na soveya oqo e na vuku ni veivanua ni tadra e vuravura e na loma ni 9 na yabaki sa oti, mai vei ira na vakavatu ka ra dau veilakoyaki voli ena veiyasai vuravura ena nodra veisiko se cicivaki bisinisi.

E rauta ni 5,800 na kena dau mai na Virtuoso e vakaitavi e na 2015 ni veilakoyaki (Travel Dreams) ka mani okati tiko o Viti e na lewe 10 na matanitu e na veta e cake. Na wiliwili matanitu oqo e oka tiko kina o Ositerelia, Niu Siladi, Itali, Varanise, Kirisi, Ailadi, Caribbean, Igiladi kei na Enatanitika.

Me vaka e vakaraitaka na Virtuoso ni veika bula e na loma ni wasabula e Viti kei na veibure ni saravanua e vakavuna me okati kina me dua vei ira na lewe 10 na matanitu e na veta e cake. E vakaraitaka ko Truman Bradley na jeameni ni tabana ni Saravanua e Viti ni duavata kei na veika e vakaraitaka tiko na Virtuoso ena nona wili o Viti me dua na vanua vinaka ni gade e vuravura.

O Viti na yanuyanu duadua e na Ceva ni Pasivika e wili ena yabaki oqo ka sa dua na i vakaraitaki vinaka ka sa na laveta cake na nodra sasaga mai ena nodra sasaga mai ena noda vanua na vulagi saravanua.

Na macala ni tukutuku oqo ea laurai e na e na Virtuoso Life ena kena laveti na i tovo ni vanua, na waqa ni vakatasosoko, na i rairai ni vanua, veinuku vula, vuvale, kakana kei na waini, vakatasosoko e uciwai, vanua ni veimasi, kei na veisiko e na korolevu.