Vakadeitaki e 64 na timi ena Marist Sevens

E RAUTA ni 64 na timi ni cauravou era na vakaitavi tiko ena sotasota ni 42nd Fiji Marist Bitter 7s ka na vakayacori tiko ena i ka 23 ki na i ka 24 ni vula qo ena ANZ Stadium e Suva.

Ena yabaki qo ena mai qito tale tikoga na timi e gole sara mai Papua Niu Kini, Solomone kei Tuvalu ka me rawa ni ra tosoya cake na nodra kila na qito rakavi ni bera tiko na sotasota ni Oceania 7s ena yabaki vou.

Eso na timi ena vakaitavi tiko ena sotasota qo oya na timi ni Tabadamu, Ratu Filise, Wardens, First Light Taveuni, Police, Army kei na timi ni Saunaka.

Ena valataki tiko nai covi lavo e $42,000 kei na timi e qaqa ena valataki ni bilo ena nona tiko e $11,000 kei na timi e druka ena fainala ni bilo ena nona tiko e $5000.

E tukuna o Lawrence Tikaram na peresitedi ni soqosoqo ni rakavi ni Marist ni tinikaono na timi ena veta e ra era na ciqoma tiko e tauya $120.

Ena qito tale tikoga e 12 na timi ni goneyalewa, 8 na timi ni qase.

Ena vakayacori tiko na sotasota qo ena i ka 23 ki na i ka 24 ni vula mai oqo ena ANZ Stadium e Suva.