Vagolei ki Honolulu

RATOU sa vakadeitaka mai na kabani ni waqavuka ni noda vanua, na Fiji Airways, ni dua na nodratou waqavuka, e a vagolei ki Honolulu mai Hawaii e na mataka ni Siga Tabu.

Na vuna ni a vakacaca e loma ni waqavuka na FJ811, ka vuka tiko mai Amerika me gole vaka ki Nadi, e dua na pasidia ka lewena tiko mai e na siga o ya.

E vakabauti ni a vakasosataki rau e lewe rua tale na pasidia, e dua na lewe ni vanua e Ositerelia, e na gauna sara ga e sa tubu tu kina e macawa na waqavuka.

E vinaka ni ra vuki totolo na tamata cakacaka e na loma ni waqavuka, ka ra vakamalumutaki koya na pasidia ni Ositerelia oqo, ka vakavuna me vakatauca na nona lewa matau o pailate, me vagolea ki Honolulu na waqavuka e na vukudra na vo ni pasidia.

E vakabauti ni taura e lima na auwa na kena vuka tale vaka ki Hawaii na waqavuka e na vuku ni veivakasosataki nei koya na pasidia.

Na lewa matau e vakayacora na pailate ni waqavuka o ya, me rawa ni kakua kina ni dua na leqa se vakacalaka e yaco vei ira na pasidia, se ki na kabani ni waqavuka, ia, e dina ni sega ni tiko e na nona i tuvatuva ni vuka e na siga o ya.

E vinaka cake me lima se ono na auwa na nodra vuka tiko, ka qai ca ga kevaka era vakatotolo, ka qai yaco e dua na vakacalaka e loma ni waqavuka.

E ratou sa vakadeitaka mai na ‘Hawaii News Now’, ni a ro yani na waqavuka e na rara ni waqavuka na Daniel K. Inouye International Airport, e na mataka caca ni Siga Tabu, ka sa qauqauraki sara vakadodonu na pasidia o ya, ki na Federal Detention Centre, mai Honolulu.

Ni oti oya, sa qai gole mai ki Nadi na waqavuka me vakacavara mai na nona i lakolako.