Tubera na Wallabies o Raiwalui

Update: 12:29PM SA qai oti na nodratou vakasaqara tiko na timi ni Wallabies me dua na nodratou dauniveivakatavulici ni timi iyatu e liu, ka ni sa mai digitaki o Simon Raiwalui na dauqito e liu ni timi ni Viti me na veituberi me yacova ni cava na yabaki 2019.

E dina ni levu sara na dauqito rogo ni Ositerelia e rawa ni ra taura nai tutu ni dauniveivakatavulici ni iyatu e liu, ia esa mai kacivaki ena mataka ni Moniti na nona sa digitaki o Raiwalui.

A sucu mai Niu Siladi o Raiwalui ka vuli mai Ositerelia, a qito o koya ena timi ni gonevuli mai Ositerelia, ka qito oti vaka 46 ena timi ni Viti, a qito talega mai Igiladi, Varanise ka kavetanitaka talega na timi ni Saracens.

A veitomani talega ena dauniveivakatavulici mai Varanise o Raiwalui ena timi ni Racing 92 ena yabaki 2012 ni bera ni qai toki kina sotasota ni Top 14 ena timi ni Stade Francais ena 2014 ka dewa sara kina timi ni Biarritz.

Ena la�ki veitomani kina timi ni Wallabies o Raiwalui ni cava na nona veituberi tiko ena timi ni Biarritz ni oti na qito kei Ireland ena Jiune.

E tukuna na turaga yabaki 43 qo ni marautaka sara na nona sa na lesu tale qo ki Ositerelia ka sa na rawa vua me rau na cakacaka vata kei Michael Cheika, Stephen Larkham, Mick Byrne kei Nathan Grey.