Tovolea tale o Natabua me qaqa

NA jabeni ni 2017 ena sotasota ni Coke vei ira na gonetagane, na koronivuli o Natabua High School e ratou sa vakavakarau vinaka mai me ratou na taqomaka tale na i covi ni gonetagane.

Ena liutaki Natabua tiko mai ko Shane Tuvusa na cauravou ka a rawata e tolu na metali koula kei na ‘Blue Ribbon’ ena yabaki sa oti.

A qaqa o Natabua ena sotasota ni Lautoka zone ena yabaki qo ena 41 na koula, 9 na siliva kei na 7 na varasa. A qaqa o Natabua ena yabaki sa oti ena nona rawata e 12 na koula, 5 na siliva kei na 5 na varasa vei ira na gonetagane ena qito ni Cokes.

A karua o Marist Brothers High School ena 10 na koula, 8 na siliva kei na 7 na varasa ka katolu o Ratu Kadavulevu School ena 10 na koula, 7 na siliva kei na 5 na varasa.

Ia, a qaqa vei ira na goneyalewa o Adi Cakobau School ena 20 na koula, 14 na siliva kei na 10 na varasa, karua o Jasper Williams High School ena 11 na koula, 10 na siliva kei na 8 na varasa, katolu o Saint Joseph Secondary School ena 4 na koula, 5 na siliva kei na 8 na varasa.

Ena tekivutaki tiko na sotasota ni Coke ena Lotulevu ki na Vakarauwai ena ANZ Stadium.