Toso vinaka na qito mai Iurope

ERA qito vinaka sara tiko e na gauna qo na gone ni Viti ka ra vakaitavi tiko e na sotasota ni France T14 ena sotasota ka vakayacori tiko e na veimacawa mai Varanise.

Ena mua ni macawa e a tabaka rawa e dua na sikoa o Benito Masilevu kei Sisa Koyamaibole e na timi ni Brive ka ratou vakadrukai Bordeaux kina ena 34 kei 24.

O Alipate Raitini e a tabaka talega e dua na sikoa mai na timi ni Grenoble e na nodraotu vakadrukai Racing Metro e na 27 kei 25.

A veivuke talega o Waisea Nayacalevu e na timi ni Stade Francais ena nona tabaka e dua na sikoa ka ratou qaqa kina vei La Rochelle e na 43 kei 10. A sikoa talega o Asaeli Tikoirotuma e na timi ni Harlequins e na sota kei an timi Exeter ia e a qaqa na timi ni Execter 36 kei 13.

A tabaka talega o Vereniki Goneva e dua na sikoa e na timi ni Leicester ena nodratou sota kei na timi ni London Irish ia, e a druka na timi nei Goneva e na 19 kei 22.