Tomana tikoga na qaqa o Ratu Kadavulevu

A qaqa tale na timi ni Ratu Kadavulevu School ena iwasewase na Eastern ni oti na nodratou mai qaqa na timi ni yabaki 14, 16 kei na yabaki 19.

Na timi ni RKS ena yabaki 14 kei 16 a qaqa vei Lelean Memorial School ena 17 kei 11, 22 kei 5 kei na nodratou timi ni yabaki 19 e vakadrukai Lelean Memorial School ena 20 kei 8.

Ia, na timi ni LMS ena yabaki 17 e vakadruka na timi ni QVS ena 12 kei 10. Ena yabaki 15 e qaqa na timi ni Sila Central High School vei St John’s College ena 20 kei 19.

Ena wasewase ena Ceva e qaqa na timi ni Marist Brothers High School ena yabaki 18 vei John Wesley College ena 10 kei 5.

Na timi ni yabaki 14 ni Nasinu Secondary School e qaqa vei Ratu Sukuna Memorial School ena 17 kei saiva ka qaqa na timi ni yabaki 16 ni Suva Grammar vei RSMS ena 11 kei 5.

Latest posts

More Stories