Taucoko na vakavakarau: Baber

E TUKUNA o Gareth Baber na dauniveivakatavulici ni timi ni Fiji Airways Fiji 7s ni vu ni nodratou rawa ka vakavinaka ena nodratou solia na nodratou vinaka kei na nodratou cakacaka vakaukauwa na nona cauravou dauqito.

E nuitaka talega o Baber ni na laveta cake tikoga na nodratou vakabibitaka na noda cauravou na qito qo e Lodoni ka me rawa ni ratou ravuravu ka toso tale ki liu ka me rawa ni ratou i sevu ni timi e vuravura me rawata veitaravi na i covi ni va na sotasota.

E kaya ni ratou sotava eso na bolebole ena i tekivu ni sotasota ka kila ni ratou a druka ena so na qito ka dodonu me ratou a qaqa kina. Ia, e kuria o Baber ni tiki tikoga ni nodratou vuli ena kena tekivutaki na nodratou qaqa veitaravi.

E kuria o Baber ni nodratou soli bula na dauqito kei na vakalesilesi ni timi e vakavuna me rawati kina na vinaka kei na toso vinaka ni timi.

Na timi ni Viti ena sota tiko e liu kei Argentina ni oti na 10 ena 20 na miniti (10:20pm) ena bogi ni Vakarauwai, ka na sota tarava kei Sikoteladi ni oti na 1 ena 26 na miniti (1.26am) ena mataka ni Siga Tabu ni bera ni qai sota kei Niu Siladi ni oti na 4 ena 32 na miniti (4:32am) ena mataka ni Siga Tabu.