Tabaka e rua na sikoa o Naiyaravoro

A TABAKA tale e rua na sikoa o Taqele Naiyaravoro ena timi ni Waratahs ena nodratou vakadruka na timi ni Brumbies ena 24 kei 17 ena bogi ni Vakarauwai.

Ena vula sa oti a veisosomitaki mai o Naiyaravoro ena timi ni Waratahs ka mani tabaka talega kina e rua na sikoa ena nodratou vakadruka na timi ni Melbourne Rebels.

A liu tu ena matai ni veimama na Waratahs ena 13 kei 11. A kaukauwa sar ana qito nei Naiyaravoro ena nona basuka nai lati kaukauwa ni tataqomaki ni timi ni Brumbies ena gauna e qito tiko kina.

Na macala ni vo ni sotasota.

Chiefs 27-22 Highlanders, Rebels 19-50 Hurricanes, Blues 40-63 Sharks, Brumbies 17-24 Waratahs, Bulls 33-23 Stormers.