Fiji Time: 10:32 PM on Monday 27 April

Fiji Times Logo

/ Front page / NaiLalakai

Taledi ni cakacaka ni liga

Vola o UNAISI RATUBALAVU
Tuesday, November 06, 2012

E da kalougata na kawa i taukei, ni levu na taledi ni cakacaka ni liga e da vakalougatataki kina.

Mai na koro o Naruwai, mai na tikina o Dama mai Bua, era kena dau sara na kena marama na tali kuta me cori kina na salusalu, na i sulu ni vakamau, kei na ibe me tevu ena dua na soqo namaki, se me i loloma, se me i ukuuku ni vale.

E kalougata na Nai Lalakai ni laki tiko e Naruwai, ka veitalanoa kei Make Sabe,e vakawati e Naruwai, ia e cavutu mai Nabouwalu.

E ra kaya na marama ni Naruwai ni dau kau sara mai Navave, e na dua tale na koro, volekati Naruwai na kuta.

E dau saumi ga e $50 vei iratou na vaka loga ni kuta, ka da qai laki kauta mai na levu ga ni kuta e rawa ni kau mi.

E rawarawa toka na talia na kuta mai na tali ibe ena voivoi.

E sega ni levu na gauna ena taura na kena vakarautaki, e vakaraitaka o Make.

E na soqo ni Bubu Day ena vula oqo, e vakaraitaka o Make ni oqo e sa dua n vurevure ni i lavo vinaka vei ira na marama kei na nodra dui veivuvale.

Na kena e talia o Make me rua na ota ni kuta me vakau e Toga, e rawata kina o koya e $300.

E rawa talega ni ra talia na marama ni Naruwai na kuta me vakayagataki me i sulu ni vakamau, na kena e tali me caka kina na salusalu.

E na Pasifika, na kuta e dua na i yau vakamareqeti mai vei ira na wekada mai Toga.

E ibe vakamareqeti, ka tikoga eso na soqo eda qai dau raica kina na kuta ena kena daramaki, se dau tevuki duadua e cake.

Ena soqo ni Bubu Day e vica na turaga ni vanua kei na marama era dara toka na salusalu ka tali ga mai ena kuta.

E rairai totoka na noda raica na kena se vakabulabulataki ga eso na cakacaka ni liga nei so na wekada ena veiyasai Viti.

Ka dua oqo o ratou na wekada mai Naruwai, Dama mai Bua.





Fiji Times Front Page Thumbnail

Kaila Front Page ThumbnailFiji Times & Kaila Frontpage PDF Downloads

Use the free Acrobat Reader to view.

Today's Most Read Stories

  1. Children watch senseless beating
  2. Fatal night out
  3. Reddy for talks
  4. The sevens challenge
  5. No discrimination
  6. Celebrating success
  7. Church celebrates 25 years
  8. Women take up backyard gardening
  9. Council revives carnival after a lapse of 6 years
  10. Funds a barrier

Top Stories this Week

  1. The murder of a schoolteacher Tuesday (21 Apr)
  2. Wrong body for burial Thursday (23 Apr)
  3. Hunt for terrorist Thursday (23 Apr)
  4. Unclaimed body laid to rest Tuesday (21 Apr)
  5. Children watch senseless beating Monday (27 Apr)
  6. Fatal night out Monday (27 Apr)
  7. Man found unconscious, pronounced dead Sunday (26 Apr)
  8. Rights over freehold land Wednesday (22 Apr)
  9. PM's office receives 1000 complaints Thursday (23 Apr)
  10. Wife wished cancer for hubby Tuesday (21 Apr)