RATOU sas na biuta tiko na noda vanua e lewe va na noda daunivakatagisici e na Siga Tabu me ra laki vakaitavi e na sotasota ni Netball mai Niu Siladi.
O i ratou na lewe va qo oya ko Gaberieli Qoro na dauniveivakatavulici tu e liu ni timi ni netball ni Viti, Jona Saturu, Litia Rabitu kei Raijieli Rabitu.
E vakaraitaka na vakalesilesi ni soqosoqo ni netball e na noda vanua ko Alini Sovu ni ra laki vakaitavi ki Niu Siladi e na vuku tikoga ni nodra vakatovolei me baleta na i vola ni nodra vakatagisici.
O Jona e gole i Niu Siladi me laki vakatovolei kina na nona i vola na NZ B ia ko Raijieli na nona i vola ka vakatokai na NZ C, e kaya ko Savou..
O rau na rua qo e rau cakava na yabaki sa oti na nodrau kani Ocenia ka rau rawata ruarua ka vakavuna me rau toso cake sara.
Na veika oqo e i tiki tikoga ni veiqaravi ni soqosoqo ni netball na nodra vukei ka tarai cake na noda daunivakatagisici.
E kuria ka kaya o Sovu ni o Qoro kei Litia e rau rawata ka pasitaka na nodrau vakaitavi e na kani Ocenia ka viavia tautauvata kei na Netball mai Niu Siladi.
Ni mai cava na sotasota ni netball ena vula sa oti, keitou raica tale e so na daunivakatagisici e ra rawa ni ra vakamuria tale ga na i lakolako qo.
O Viti e sa tiko kina e so na daunivakatagisici vinaka me vakataki Mela Druwani, Lo Bainivalu, Kalesi Tabete kei ratou na va ka sa biubiu qo ki Niu Siladi. Ia, ena gauna qo e sa toso vinaka sara tiko na nodra sasaga na vakalesilesi ni netball e na noda vanua.