E koto oqo e ra e dua na meke ni yaqona ka nodratou meke ni yaqona na koro vakaturaga o Lutu e na tikina o Lutu e na yasana o Naitasiri. Ni wiliwili sara yani.
1. Kura rogorogo ni meke sa vura
Me ra vuli mai veivanua
Na kena i rogorogo sa bula
Me kuru seseta na veivanua
Sa galu tiko na Wainibuka
Sa soqo tiko ni va na vula
Ra kacivi mai na kai Seatura
Me lai vanai na dusi vanua
Me ra tala mai Nukurauvula
E ra sobu tiko ni ono na vula
Dola na vucu o Burotukula
E ra sa bale i na tadrua....ai........
2. Dravi, ra suqe vucu ni lutu na maravu
E kacivi mai o Senileba damu
Taura na vucu mai Kadavu
Naba ni meke e tinikawalu
Noqu tu au vakanananu
Dola na vucu o Narauyaba
Nukurauvula e yavavala.....ai.....
3. Vi e a rogo koto ni mataka sa kida
Me ra tai mai na volodia
Meke ni vala o ni vulica
Vala sui kemuni kina
Siga sara e dua e tiko kina
Rua walega e rau vala kina
Dakuwaqa kei Yadrasiga
Rau volita na wasa va Idia
Lai varewa na kena kuila
Kena niusiveva o ni wilika
Ni qai vulica rawa kina....ie....
4. Koka u dabe toka na vale bolabola
Na Koini sa na qai vosa toka
Na i valu sa wase vakaono
Turaga ni valu e ra sa oso
Melisitima me ra sa vodo
Me ra tayabe ki lomanikoro
Me ra tala yani ki lomanikoro
Kaunikuila ra sa ciciva
Ra sa taura ga e na siga
Ra sa qali e Veritania
5. Vasa sa vakarau me yaco na vala
Me ra vala na ucui Tovata
Me ra wili mai na kena tamata
Ra lai yadrava tu na matamata
Na matanibai ra lai tawana
Sa vura na qase o Dakuwaqa
Oi au au sa liutaka
Au sa ciciva na bainivala
Sele drutia na i koti gata
Me yaco na vala
Me yaco na vala
E ra vuetaki na kena tamata
6. Kura me ra vodo e na waqa levu e Suva
Vakarau na dakai ni vanua
Varau i babana ruarua
Oi au au lade tu ki mua
Au raica na loma ni wasa bula
Na Vu e rau vasukasuka
Rere mai na qase ni Nailuva
Na bui ni dali e lai taura
Me ra sa valavala ya rua
Nairai rai au vacuruma
Au raica e rua na waqavuka
Lutu mai e keteni macawa
Waqavuka ni kai Tovata
Lose oti na yaqona vakaturaga
7. Vasa Iae, ma ciri tiko na moli nawanawa
Turukawa na i vakayadrayadra...iae....
Laga na cibi o Nakauvadra
Taro toka mai o Nakausaba
Dakai ni Viti e lai yaraka
Dakai titi na yacana
Gasau na gasau balabala
Lai vana nai yadrayadra
Lau gasau sa mate sara
Lutu i ra dekia a tabana
Tauvata qai moku a tamata
8. E ra vala na kai Nakauvadra
Sega e moce sega na kana
Era vala na kai Nakauvadra
Sega e moce sega e kana
Degei e taro mai na qara
I ra gone na vala soti ni cava
Lau gasau na i yadrayadra
Sa i koya na vuni oda vala iii......