NA vosa oqo na price control e vakaibalebaletaki tiko ena kena yadravi na i sau ni yaya ka sa vakamatatataka tu na lawa. Na kena dau yadravi vaoqo nai sau ni yaya e vakatulewataka na Matanitu se na veitabana ka tu vei ira na kaukauwa vakalawa me vaka na Fiji Commerce Commisison me yadrava.
Qo e sega walega ni taqomaki na Dauvolivoli, ena vukea talega na veibisinisi lailai ena nodra veiqatitaka nai sau ni yaya.
Vei ira na lewenivanua era sega ni rawa ka soti tu vakavinaka, na kena yadravi na i sau ni yaya e rawa ni da raica me dua na kalougata baleta ni vakarawarawataka na kena voli na yaya eda gadreva kece ena noda dui matavuvale.
Ena i matai ni noda veiwasei tiko ena ulutaga bibi qo ni price control, ena wasei tiko yani kina na kakana na raisi ka sa koto toka qori ira na veimataqali pakete raisi kei na kedra bibi, ka sa mai yadrava tiko na Tabacakacaka ni Commerce Commission:
Me vaka na raisai na Vietnam Long Grain White Rice 5% ka tauya dua, rua, lima kei na tini na kilokaramu.
Na Punjas Siam Long Grain Rice e tauya dua, rua kei na tini na kilokaramu.
Na Springfield Premium Long Grain Rice e tauya dua, rua kei na tini na kilokaramu.
Na Visama Rice e tiko e na dua, rua kei na tini na kilokaramu.
E vaka kina na Evergreen Long Grain Rice ka tiko na dua, rua kei na 10 na kilokaramu.
Na FMF Premium Long Grain (Sunrice) e tiko e na dua, rua kei na 10KG.
E sa dusimaka oti tu na Tabacakacaka ni Commerce Commission ni tuvatuva kece ni yaya era yadravi na kedrai sau ka sa tu kina na kedrai sau ena vanua duidui ga eda tu kina, e dodonu me ra sa na varaitaka tiko na veisitoa lelevu, lailai ena noda vanua.
Me na vakabiri tiko e dua na vanua eda na rawa ni raica vakarawarawa kina na Dauvolivoli ena gauna me da curu yani kina na loma ni sitoa.