Update: 2:20PM E SA na rawa ni dua na jabeni vou ni bilo cecere ni rakavi e na noda vanua e na yabaki qo oya na bilo cecere mi Farebrother Sullivan Trophy kei na Deigicel Cup.
E vakaraitaka na dauniveivakatavulici ni timi ni Tailevu o Lance Whippy ni oqo e dua na yabaki ni bolebole vei Tailevu.
Keitou sa dau tuvana rawa na vakilesilesi ni timi na i tuvatuva ni veisiga e na kena vinakati na qaqa e na gauna ni qito, e kaya o Whippy.
Na timi ni Tailevu e a dabe tiko e na i ka tini ni i tutu e na yabaki sa oti, ia, na yabaki qo e sa liutaka tiko na i tuvatuva ni voidi e na sotasota ni Digicel Cup.
E vakaraitaka tale o Whippy ni ratou cabeta tiko e dua na ulunivanua e na yabaki qo, ka sega ni rawarawa na nodratou na tovolea tiko me ratou rawata na nodratou takete.
Na tekivu ni yabaki qo keitou cabeta e dua na ulunivanua, ia e na gauna qo keitou se cabe tiko ga, e kaya o Whippy.
Na timi ni yasana vakaturaga o Tailevu e na sota tiko e na macawa qo kei na timi ni Ovalau e na rara na Ratu Cakobau park e Nausori.
Na yabaki sa oti keitou a druka vei Ovalau ia, keitou na vakarautaki Ovalau vinaka e na Vakarauwai qo, e kaya o Whippy.
Keitou na raica cake tiko na timi ni Ovalau, e kaya o koya.
A vakaraitaka talega o Whippy ni oti na nodratou sota kei Ovalau e na tarava sara tiko mai na timi ni Tavua, ni na oti na sota kei Tavua e rau na caqili tiko kina kei na timi Naitasiri.
E kaya o Whippy ni ratou na qai vakadeitaki ratou ni oti na qito kei Naitasiri e na qai macaal e kea e ratou na dabe tiko e na matai ni va na timi e na veta e cake se ratou sa na lutu.
Ni na oti sara na qito kei Naitasiri keitou sa na qai rawa ni kila na vanua keitou na yacova e na yabaki qo.
Keitou na veiqatitaka tiko na matai ni va na timi e tiko e na veta e cake na bilo sagai dredre oqo na Digicel, e kaya.
E jabeni tiko ni Digicel kei na Farebrother e na gauna oqo na timi kaukauwa ni Nadroga.