ESA i matai ni lewenivanua me mai rejisita rawa ena vuku ni veidigidigi ena yabaki 2014, na noda Paraiminisita, Voreqe Bainimarama.
Ena gauna talega oqo e sa dola raraba tu vei keda na lewenivanua na rejisita ena nnoda vakanamata kina veidigidigi ena yabaki rua mai oqo.
E Suva e sa vakayacori tiko na rejisita ena Suva Civic Centre kei na koronivuli na FNU e Samabula.E Nausori, mo ni na gole ga yani kina Syria Park Podium, oya ena ruku ni wavu e Nausori, kei na valenivolavola nona na Talai Veivuke ena wasewase e Loma.
Esa vakayacori talega mai na valenivolavola ni veidigidigi mai Lautoka kivei kemuni na tiko volekata na siti ni suka.
Mai Levuka, ena Levuka Town Hall. Mai na Vualiku ena valenivolavola nona na Komisina mai na Vualiku, kei na Talai Veivuke mai Waiyevo vei kemuni na tiko mai Taveuni.
Kivei keda kece na lewenivanua, kevaka koni kila ni ko ni sa yabaki 18 lako cake, ka kauta vata mai na nomuni vola ni vakadinadina me vaka na i vola ni sucu, na leseni ni draiva, na nomuni card ni FNPF, se na nomuni pasipote, esa rawa mo ni rejisita.
Ena tekivutaki tiko na rejisita mai na 8 ena mataka me yacova sara na 7 na kaloko ena yakavi.