E DUA na tuvatuva e na nodratou vakalailaitaka na tabacakacaka vakaovisa na basu lawa oya e na kena vakayagataki na qito rakavi me valuta na basu lawa.
Na kena vakayagataki o ira na yaca rogo e na buturara ni qito rakavi e na noda vanau ka ra sa daramaka oti na siqeleti vualvula ni Viti ka ra mai veivuke ena loma ni tabacakacaka vakaovisa e na kena valuti na basu lawa.
Na veika oya e a vakayagataka na komisina ni ovisa ko Brigadier General Iowane Naivalurua.
Na nodra veisiko e na veikorokoro na dauqito rakavi lewe ya vitu ka ra lewena tiko na tabacakacaka vakaovisa kei na veitikotiko e na nodra vakavulici na lewenivanua e na nodra qaqarauni kei na nodra vakatavulici na gone.
A tekivutaki na cakacaka oqo e na 2010.
Na nodratou i bole ga na tabacakacaka vakaovisa oya na kena vakavinakataki o Viti e na rakavi (Policing Fiji Through Rugby).
E na macawa sa oti e a sureti na timi ni ovisa qo mai vei ratou na soqosoqo ni rakavi unioni mai Ovalau me ratou laki tiko e na kena tavoci na yabaki lima ni vakatoroicaketaki ni rakavi e Ovalau.
E ratou a kidavaki mai Ovalau mai vei ira na veitimi ka ra veiliutaki mai kina na veiliuliu mai na veitikina e na tikotiko e Levuka ka tautauvata na veika e ra u vakanamata tiko kina oya na kena vakayagataki na rakavi me vakalailaitaka na basu lawa.
E vakaraitaka o Kelepi Komaisavai e dua na vakalesilesi ni matanitu mai Levuka na nodratou na vakayatagaka na rakavi me vakavinakataki Lomaiviti.
E vakaraitaka e dua na vakalesilesi mai Lomaiviti ko Joji Nadavo ni levu ga na nodratou dauqito e ra sega tu ni cakacaka. E kuria ka kaya ni levu ga vei ira na cauravou qo e ra a dau oka tu e na so na kisi ni basu lawa ni bera na nodra mai lewena na timi.