E RAU na caqili tiko na timi ni Lautoka kei Nadi e na rara na Prince Chrales park e na Vakaraubuka qo e na sotasota ni soka.
E liu tiko na timi ni Nadi e na 23 na voidi ka 22 na timi ni Lautoka. Na qito qo e na qai macala kina se o cei e na liu vei rau.
Na timi ni Navua e na gole tiko i Labasa me rau na laki sota kina kei na timi ni Labasa e na 7 na kaloko e na bogi ni Vakarauwai e na rara na Subrail park ni bera ni qai rau sota kei Savusavu e na 4 na kaloko e na yakavi ni Siga Tabu e na rara na Ganilau park.
E sa na gole tiko i Lawaqa na timi ni Tavua me rau na laki sota kina kei na timi ni Nadroga e na 3 na kaloko e na Siga Tabu.
Na timi ni Rewa e rau na sota kina kei na timi ni Suva e na rara na Ratu Cakobau e na 3 na kaloko tale ga e na yakavi ni Siga Tabu.
E na wasewase na premier e rau na sota tiko na timi ni Nasinu kei na timi ni Levuka e na 3 na kaloko e na yakavi tale ga ni Siga Tabu e na rara ni koronivuli e Rishikul College, na timi ni Rakiraki kei na timi ni Vatukoula e na rau sota tiko ena rara na Penang Sangam High School.
E na sega ni qito tiko na timi ni Ba e na macawa qo. Ia, na macala ni sotasota kece qo ena qai tukuna ga o gauna.