ERA sa qai mai vakacegu na gone marama mai Mataiwelagi o Adi Litia Samanunu Cakobau Talakuli na luvedra ulumatua na Vunivalu mai Bau, o Ratu Sir George Cakobau.
E vakadeitaka mai na i tukutuku oqo na turaganikoro mai Bau, Ratu Sakiasi Mateiwai.ka ra tukuna ni mai leqa o Adi Samanunu ena siga Moniti, 11 ni Jiune.
Era sa yabaki 72, ka ra vakawati vei Ratu Manasa Talakuli, na turaga ni vanua o Nakelo mai Tailevu.
Eratou lewe tolu na veitacini, e ra qase duadua o Adi Samanunu Cakobau, tarava o Adi Litia Cakobaua, tarava sara o Ratu Joji Cakobau.
Na marama oqo e dua vei ira na marama ka ra a tauyavutaka na Soqosoqo Vakamarama.
E Minisita talega ni veika vakaitaukei ena 1994 kei na 1995.
E a noda mata talega ni matanitu ki Maleya kei Thailand ena 1990 vakacaca.
E a lewe talega ni seneti ena Jiune 2006.
Na i tukutuku e tauri rawa ni na qai tekivutaki ena macawa mai oqo na reguregu ena Vukelulu, kei na veibulu ena siga Vakaraubuka.
Ena vula o Maji, eratou mai talaci nodratou Nau kina na vuvale vakaturaga oqo ena nona mai kacivi talega o Lady Lelea.