ESA mai rawata tale nai covi ni vakasisisi e na dela ni ua o Kelly Slater yabaki 40 e na sotasota ni Volcom Fiji Pro e Cloudbreak mai Tavarua.
O Slater e turaga ni Mereke ka sa taura oti vakatinikadua nai covi ni jabeni ni vuravura ka sa mai i 49 ni nona qaqa e na nona dau vakaitavi e na vakasisisi e na veiyasai vuravura ka qaqa mai vei Gabriel Medina na turaga ni Brazil.
Na nona qaqa o Slater e sa dua tale na vakatagedegede ni nona toso ki liu e na qito qo ni vakasisisi e na dela ni ua.
Na turaga ni Ositerelia o Mick Fanning e a rawata vakarua na qaqa e na ASP e vuravura ka sa mai katolu e na sotasota qo ni Volcom Fiji Pro ka vakayacori oqo mai Tavarua.