SA koto oqo e ra na i vakamacala ni ulumatua ni kawa i Taukei me vaka e vola ko Maciu Pole Waqabaca mai Deuba, Serua. Ni wilika sara yani.
l Na ulumatua ga oqo na i Taukei Setura kei Turagatolu.
l Na ulumatua ga oqo ko Ratu Burebasaga.
l Na ulumatua ga oqo o koya mai na Mana
l Na ulumatua ga oqo ko Turaga levu
l Na ulumatua ga oqo ko Lutumailagi
l Na ulumatua ga oqo e i taukei ni ose vulavula
l Na ulumatua ga oqo o koya na ikeli vakatabana
l Na ulumatua ga oqo ko Ratu O
Na ulumatua ga oqo eda waraka tiko na i Taukei, o koya ga e na mai liutaki keda e na i ka va (4) ni gauna ka sa wasea oti tu na Kalou kivei keda me noda.
Me da rogoca sara mada oqo ne:
Na i ka va ni gauna au nanuma rawa
Ni tukuni e na nona vosa ni yalayala
Sa i koya oqori noda gauna vinaka
E na basika kina e dua na turaga
Sai Ratu O dina oqori na yacana
E tiko e na i lavo pepa na kena i taba
O ira na qase e ra dau tamaka
Tu O - O - O - io e dua era vakamanataka.
Na i ka va mo dou sarava
Mata vakalaione
Pulumakau kei na tamata
A nodratou gauna sa mai cava
Na i ka va ni gauna e tarava sara
Na gauna ni ikeli vakatabana
E na i vola ka tabaki toka yani e na i ka 23/03/12 e na noda pepa oqo.
Sa mai vakaraitaka toka e dua na parofisai ni tiko e na ketenilagi na kena i vakatakilakila ni gauna e na basika kina na ulumatua.
O koya au tukuna toka niu na qai tovolea meu vakaraitaka yani vakamalua, kau sa nuitaka vei kemuni na dau wili pepa ni se sega ni dede se via malai mai na noda vakananuma na i tukutuku ka tabaki yani e vica na macawa sa oti.
Eda na tekivu e na noda rogoca mada e dua na veitarogi ka vakamacalataka ko Ratu Sukuna.
Taro: I Ratu Sukuna, e dua na tabua e a kau vakavuni mai Bau me baleta na turaga na tukamuni me mai moku.
A cava beka na vuna?
Sa dede na nona galu toka e na nona kana tavako, sa qai tacake mai me sauma na taro ka vaka oqo ne;
Ke o kila na veika vuni e so e tiko e na daku ni cicivaki turaga o na qai kila na noqu a volai meu Vuanirewa.
Na wasewase ni i yau kei na wasewase ni mana ka solia ko Roko Ratu ki na Vuanirewa, na Vuanirewa ga e na solia lesu tale vei Roko Ratu. Oya na vu ni noqu volai meu Vuanirewa.
E na saumi taro vakaparofisai oqori sa ciqimaki vakavuni koto kina na ka vuni me baleta na veiliutaki ni Vuanirewa (Tuinayau).
E dua na tabani Rewa a kau mai mai Rewa me i covi ni cicivaki turaga mai Verata ka soli vei Tuivanuakula ni a liu e na cicivaki turaga me laki tei ki Nayau ka me vua mai Lakeba.
Ni ra sa vakarau me ra veitaucici na lewe tinikavitu na makubuna ko Rokomoutu sa bulu na kena tabua e na qele vaka Verata sa qai kaya vaka oqo ko Rokomoutu vei ira kece na turaga ni sa nona i naki ke dua vei iratou na makubuna e sa liu e na veitau cici oqo, me na liutaki Verata me yacova ga na rusa ni vuravura.
Ena qai tomani tale yani.