E tuturu na wai ni matai Luke Vulo na dauniveivakatavulici ni timi ni Ovalau e na levu ni nona marau ni oti na nona qaqa vei Nadi e na rara na Churchill Park mai Lautoka e na macawa sa oti.
E a qaqa na timi ni Ovalau e na kai 27 kei 12. Na timini Nadi e ratou se bera vakadua ni bau qaqa e na dua na nodratou qito ena sotasota ni Digicel Cup e na yabaki qo.
E vakaraitaka o Vulo ni nodratou qaqa qo e sa rawa ni sogota na gusudra na dauvakalelewa ni toi na nodratou druka vakarua ena tekivu ni nodratou qito ena yabaki qo.
E levu sara na tamata e ra saqati au ni oti na matai ni wavoki ni keitou a druka kina ka vaka kina na karua ni neitou qito, ia, au vakadeitaki ratou na cauravou me ratou na tovolea tiko me na vakaviankataki na nodratou qito, e kaya o Vulo.
E arawa na i matai ni kai kei Ovalau mai vei Meli Vananalagi e na nona caqeta e dua na i totogi ka caqeta curu talega na sikoa nei Simeli Radrodro ka liu kina e na 10 kei saiva.
A tabaka talega o Timoci Saukuru mai na timini Nadi e dua na sikoa ka 5 kei 10 ni bera ni qai caqeta tale e dua na i totogi o Vananalagi e dua na totogi me liu sara kina o Ovalau ena 13 kei 5 ena matai ni veimama.
A caqeta curu tale e ru ana totogi o Vananalagi kei na dua na sikoa mai vei Mesulame Siga ka caqeta curu talega na kena i caqe o Vananalagi.
E kaya o Vulo ni ratou qito na nona lewe ni timi ena nodratou vakamuria vinaka na tuvatuva e sa tuvai vei ratou.
Na timi ni Nadi e a tabaka na i karua ni nodratou sikoa mai Kelepi Ketedromo ka caqeta curu na kena i caqe ko Kelemedi Vosuga.
Au marauraka vakalevu na nodratou qito na cauyravou, e sa dua na ka levu kei an neitou vakadrukai Nadi e na nodratou rara e sa dua na bonisi levu vei keitou. Na nona druka o Nadi e sega ni dau ka rawarawa, e kaya o Vulo.