A rawata o Timoci Tau na metali koula e na wasewase ni Junior vei ira na gonetagane oya e na viritaki moto.
Na cauravou ni Vunisea Secondary School qo e a mai dabe e na i ka tiniakdua ni i tutu e na yabakis a oti ia e sega ni yalo lailai ena nona tovolea tikoag ena nona i gu me na rawata e na yabaki qo.
Ia, e na yabaki qo e viritaka rawa o Tau na i moto ka yacova na 48.93 na mita me rawa ni rawata kina na koula ena rara na National Stadium e Suva e na sotasota ni Coke Games.
E na sotasota qo e a qai mai karua kina o Jope Tuivanuavou mai na Lelean Memorial School ka rawata kina na siliva ka i katolu o Alifereti Navori me taura kina na varasa mai na Ratu Kadavulevu School.
Au kila ni na sega ni rawarawa na sotasota qo. Au a ka tinikadua na yabaki sa oti ia au sega ni yalo lailai. Au a vakukauwataka na noqu sasaga meu na rawata vinaka e na yabaki qo kau marautaka ni sa mai yaco na noqu gagadre, e kaya o Tau.
E kaya ni a vukei koya na nona dauniveivakatavulici ka sa mai rawata sara kina na qaqa.
Na cauravou ni Namuana qo mai Kadavu e vakaraiataka na nona vakavinavinaka e na vuku ni nona qaqa qo vua na Kalou mai lomalagi kei na nona i tubutubu ena nodrau dau tokoni koya.