TOSO vinaka na nodratou sasaga na timi ni Rotuma High School vei ira na goneyalewa e na nodratou qaqa e na sotasota ni veiyanuyanu(Maritime zone) ka vaka kina na timi ni Gau Secondary School vei ira na gonetagane.
Na sotasota qo e a vakayacori e na rara na TFL National Stadium ka tiki ga ni nodra vakavakarau kina sotasota levu vakayabaki ka ra dau bulagoci kina na gonevuli e na sekenari ni dau mai cava nai mataini wasewase ni vuli.
Na timi ni goneyalewa ni Rotuma e rawata e 6 na koula keian dua na siliva, k atarava mai na timini Koro High School e na 6 talega na koula ka i katolu na timi ni Gau e na 1 na koula kei na 1 na siliva.
Vei ira na gonetagane e a mai qaqa na timi ni Gau Secondary e na 6 na koula, 6 na siliva kei na 3 na varasa. Ka karua na timi ni Rotuma e na 5 na koula, 2 na siliva kei na 1 na varasa. Ia, e na i katolu ni tutu e mai rawata na timi ni Koro e na 4 na koula 1 na siliva.E vakaraitaka na vakalesilesi ni sotasota qo ni sega ni dua na sausau e voroki rawa ka ra lewe levu sara na dauqito e ra na vakaitavi vinaka e na sotasota ni Coke Games ka na vakayacori e na Vakaraubuka.
E sa dau matau tu e na veiyabaki na nodra dau rawa koula vakalevu na veikoronivuli e na veivanua ni cakacaka me vakataki Suva Grammar School, Marist Brother High School vei ira na gonetagane, kei na goneyalewa na timi mai na ruku ni veidakua oya na Adi Cakobau. Ia e ratou na vakaraitaki ratou tale tikoag an veitimi oqo ka ra vakaitavi tiko e na soatsota ni veiyanuyanu ni ratou na rawata talega na koula ka me i kaukau lesu ki na nodra dela ni yavu. Me vaka na timi ni Rotuma ni sa dede na gauna e ratou qai mai vakaitavi tale ena sotasota ni Coke Games ka sa tiko na nodratou tatadra ni ra na lesu ki vanua e sa na vakamawe na nodratou sasaga.