E SA vakatura na matabose ni soka e na noda vanua oya na Fiji Football Association me sa na vakadeitaki na vula o Jiune nai ka 25 ni siga me na macala kina na walu na timi me ra na vakaitavi ena sotasota ni Inkk Mobile Battle of the Giants tournament ka vna vakayacori tiko e na vula o Okosita.
Na sotasota qo e na vakayacori tiko e na loma ni rua na macawa. E vakaraitaka na peresitedi ni Fiji FA o Rajesh Patel ni sa na vakayacori tiko na qito e na loma ni 90 na miniti.
E kaya o Patel ni na ratou lewavata na vanua e na vakayacori kina na i matai qito.
E sa vakadeitaki na mcala ni BOG, e kaya o Patel.
E na tekivutaki na qito e na 90 na miniti qaqa ka na sega ni dua na veisau e na tikina qo, e kaya.
Keitou sa na qai raica na vanua me na vakayacori kina na matai ni qito. A nanumi me na vakayacori mai Lautoka e na rara na Churchill park ia e na vakayacori e kea na sotasota ni Vodafone Fiji FACT e na vula mai qo. Ka sa na vakayacori ga mai na rara na Ratu Cakobau e Nausori.
Na matai niq ito ni Fiji FACT e na vakayacori e na rara na Churchill Park ena i ka ono ni Me.
E sa koto oqo era na sotasota vakatobu.
Na i matai ni tobu e wili kina na timi ni Labasa, Nadroga, Navua, Tavua kei na timi ni Ba. Na timi qaqa ni Rewa e na qito tiko e na i ka rua ni tobu kei na timi ni Suva, Savusavu, Nadi kei Lautoka. O koya na timi e qaqa e na qoqona tiko e $15,000. O koya na timi e druka e na fainala e na nona e $4000.