E RAU tatadrataka voli mai na drua tabua oya ko Milika Ravueleca kei Tokasa Tevu me rau na rawata na koula e na sotasota ni Coca Cola e na mcawa qo.
O rau na drua qo e rau lewe ni timi mai ni Vunisea Secondary School ka rau vakaitavi tiko e na veitaucici oya ena cicivaki kuila na 4x400 na mita e na vakatagedegede ni Intermediate Girls ka na vakayacori tiko na qito qo e na Vakaraubuka kei na Vakarauwai qo.
E ratou a tekivu vinaka na timi ni goneyalewa qo ni oti an nodratou vakaitavi ena sotasota ni Maritime zone ka ratou rawata kina na koula. Na timi ni Vunisea e a vakaotia na cicivaki kuila e na 4 na miniti 28 na sekodi, ka ni oqo na gauna totolo duadua vei ira na vakatagedegede na Intermediate girls e na 4x400 na mita e na cicivaki kuila.
E rau cavutu mai na koro ko Niudua, mai Naceva e Kadavu na veitacini qo. Na tuakadrau na veitacini qo ko Venina Bani, ka a jabeni tu ni 400 na mita e na sotasota ni Coke e na dua na gauna.
Qo e sa i ka va ni gauan meu mai vakaitavi kina e na qito e Suva.
Na kena i matai na sotasota ni Chow Games kei an tolu na yabaki na noqu vakaitavi ena Coke Games, e kaya o Ravueleca.
O Tevu, ka vukea na nodratou timi ni goneyalewa e na 4x400 na mita na inter girlse na yabaki sa oti ka ratou rawata kina na metali varasa, e s ai ka lima ni nona mai vakaitavi e Suva e na yabaki qo.
E na gauna qo au sa na tovolea me keitou na rawa metali ni bera ni keitou lesu tale, e kaya o Tevu.
Na timi qo e rau lako tale tikoga mai kina o Oripa Masi kei Lia Tute, ka ratou dau vakavakarau voli ga mai na veidelana kei an matasawa mai Kadavu.
Keitou dau ciciva na baba ka vaka kina na baravi e a veisiga.
E sa rui dredre dina, ia, oya na neitou gagadre me rawa ni keitou rawata na qaqa, e kaya o Masi.