KEVAKA e dua na gonevuli e laurai ni sega ni vinaka nona i vakarau e na qito ni Coke e na yabaki qo e sa na rau sota kei na lawa.
Oqori nai vakaro esa vakaraitaka na tabacakacaka vakaovisa ka me rawa ni da na marautaka vata kece na soqo lagilagi siga rua ni nodra qito na gonevuli ka na tekivutaki tiko ena Vakaraubuka qo.
E ratou sa bose oti na matabose ni qito ni Coke kei na tabacakacaka vakaovisa ka sa vakadeitaki kina na nodra na maroroi ka taqomaki na gonevuli ka ra sivia tiko na lewe 2300 na dauqito e ra namaki me ra na vakaitavi tiko e na sotasota siga rua qo.
E vakaraitaka na i liuliu ni veiqaravi raraba ni tabacakacaka vakaovisa ko Rusiate Tudravu ni na vakayagataki na ovisa e na nodra na yadrava na vanua ni qito e na gauan ni qito ka vaka kina ni oti na qito.
Na tiki ni veiqaravi qo e oka talega kina na nodar na sikovi na veivaleniveivakamarautaki me vaka na vale ni danisi ka ra na sikova tiko na ovisa me ra na vakagalalataki mai kina na gonevuli.
Ka na ra laurai na veivalenidanisi me ra kua ni tiko kina na gonevuli vakauasivi e na nodra na sega ni vakatarai me ra vakayagataka na yaqona ni vavalagi.