E A veivuke o Kameli Ratuvou ena timi ni Saracens e na nona tabaka rawa e dua na sikoa mai na ono na sikoa taucoko e tabaka rawa na nona timi ka ratou qaqa kina vei Jed Forest ena kai 50 kei 21 ka ratou rawata kina na bilo ka vakatokai tiko na Ladies Cup ena i ka 122 ni sotasota ni rakavi lewe ya vitu ni Melrose Rugby Club.
E ratou a yadua talega na sikoa o Ali Price, Tom Jubb, Duncan Taylor, Ben Ransom kei Scott Spurling me rawa ni ratou rawata kina e dua na kai vakaitamera e na sotasota ni qo e na dua na qaqa vinaka sara.
Ka ni oqo e se qai matai ni gauna me vakaitavi kina na timi ni Saracens e na sotasota ni Melrose Sevens e na nona sosomitaka na timi mai Niu Siladi oya na timi ni Bay of Plenty e na nodratou sega ni tiko rawa.
E a tiko rawa na timi ni Hong Kong Scottish, London Scottish kei na timi ni Singapore ka vaka kina na timi ka a qaqa e na yabaki sa oti oya na timi ni Melrose. E da kila vinaka nio Ratuvou e a curu mai na timi ni Tailevu ni bera niq ai dewa yani kina timi ni Viti.