E SA mai digitaki o Campese Maafu me lewena na timi ni Cardiff Blues na kalavo ni rakavi mai Welesi ka me konataraki ena rua na yabaki. O Maafu e a lewena na timi ni Viti e na qito ni vuravura ka vakayacori e na yabaki sa oti mai Niu Siladi ka qito tiko ena i tutu ni duru.
E na noqu raici koya (Maafu) e na nona taura tiko na sakaramu ena qito ni vakatakata kei Niu Siladi e kauta na noqu vakanananu meu na digitaki koya, e kaya o Justin Burnel na dauniveivakatavulici ni Cardiff Blues.
E a lewena na Blues o Maafu e na nona qito tiko e na timi ni West Harbour Pirates mai Ositerelia ka sa qitotaki Viti oti vakaono ka dua vei ira na nodrau tai na timi ni Viti kei Welesi e na kai 16 kei 16 ena 2010.
E vakaraitaka o Burnell ena tabana ni qito ni BBC na nona mai sainitaka qo na nona konataraki o Maafu e na vukea cake na nona toso na Blues e na sotasota ni Pro 12 league, na Anglo-Welsh Cup kei na Heineken Cup ka ni ratou sa mai cegu e vica na dauqito rogo e na timi me vakataki Gethin Jenkins, Casey Lualua, John Yapp kei Richie Rees.