E SA mai kacivaki na yacadratou na lewe 14 na goneyalewa me ra lewena na timi ni kirikiti ni Viti e na sotasota ni marama oya na International Cricket Council East Asia Pacific (ICC EAP) T20 World Cup ka na vakayacori e Vanuatu e na i ka 11 kina i ka 18 ni siga ni vula o Me.
O Ruci Kaiwai kei Losi Harford e rau na sega ni tiko rawa e na veidigitaki ena vuku ni so na leqa lalai, ke rau a tiko ke taucoko sara ka tiko vinaka na timi sa mai kacivakai rawa, e vakaraitaka o John Symonds na vakalesilesi liu ni soqosoqo ni kirikiti e na noda vanua.
E vakaraitaka na dauniveivakatavulici o Jo Rika ni nona sega ni tiko o Kaiwai kei Harford e na vukea cake na nodra rawa ni vakaraitaki ira eso na goneyalewa e na sotasota qo. E keitou timi gone dina ia keitou taleitaka na neitou kavetani o Alicia Dean, Sera Kaukiono, Marica Vua kei Lanieta Benuci e na nodratou na vukea cake na timi ni goneyalewa qo.
Keitou qito vinaka sara ena dua na qito ni vakatakata ka vakayacori mai Vanuatu e na yabaki sa oti ka vaka kian na Viti tournament ka keitou nuidei ni na dua na vanua vinaka keitou na yacova ena sotasota qo, o Javani e timi kaukauwa ia keitou na timi e dodonu me na namaki. Na sotasota qo e na ratou na veiqati tiko kina na timi ni Viti Papua Niu Kini, Javani, Vanuatu, Yatu Kuka kei na timi ni Samoa.
E sa koto oqo e ra na yacadra na goneyalewa e ra sa mai digitaki me ra lewena na timi ni Viti e na kirikiti:
Alicia Dean (Kavetani) , Sera Kaukiono (Vukevuke ni kavetani), Lanieta Benuci, Semaema Raramasi, Luanne Rika, Marica Vua, Silipa Raratabu, Anamaria Naimasi, Luisa Tawatatau, Makelesi Mada, Marica Ratuki, Anaseini Maidela, Diana Gadekilakeba, Mereia Tilau.
Dauniveivakatavulici - Josefa Rika, Manidia - Mohammed Ali Maqbool