E RATOU sa vakavakaru tiko e na gauna qo na timi ni Ulunakau Babas ena vuku ni sotasota ni Nawaka Sevens.
Na timi ni Uluinakau e a tauyavutaki me veivuke ena loma ni tikina o Nakorotubu e na loma ni yasana vakaturaga o Ra.
Na timi qo e a vakaitavi taumada e na sotasota ni Namarai sevens ena yabaki qo ka vaka kina e na Marist sevens kei na Vatukoula sevens ka ratou yacova kina na kota fainala ka ratou rawata kina nai covi e $1500.
E vakaraitaka o Eliki Kaisuva ni na solia na komiti ni sotasota ni Namarai sevens e ratou sa loma soli talega e na nodratou na sauma e $465 na dola me nodra i curucuru na gonevuli lewe 31 ka ra vuli tiko e Nakorotubu District School.
Keimami solia talega e tau ya $100 na dola kina veimatalotu e na koro, e kaya o Kaisuva.
Na lotu ga e tiko e Namarai oya na lotu i kavitu, Wesele kei na Katolika.
E a solia na i solisoli oqo ko Epi Kolinivala na jeameni ni qito e Namarai e na siga Tusiti ni macawa qo.