Update: 4:07PM E KOTO oqo e ra e dua na Parofisai ni gauna ka buli mai Nabobuco e na koro ko Naqelewai ni se bera ni ta na gaunisala ena loma ni vanua ka vaka kina ni se bera ni yaco na veika e parofisaitaki tiko.
Ia e so na veika e boseri tiko ena nodra bose na Vuda e sa vakadinadinataki tiko ena gauna qo e na noda vanua. Na i tukutuku oqo na nodra bose na Vu ni vanua kece e Viti kei na veika e ra tuvalaka rawa tu na Vuda me baleta keda na kawa i Taukei. Ni wiliwili sara yani.
Me bau ta mada na sala ki Colo
Me rauta kece na noqu veikoro
Noqu kawa bula era sa oca
Ni ra waqa domo
Ra colata tu nodra kako
Ra vakaraica tu na veisito
Vosa na mata mai Rakiraki
E dua na ka au tukuna yani
Mo ni rogoca na turaga bale
Au sega ni vakabauta o au me ta na sala ki cake
O ira oqo me ra toki mai
Me da mai tu vata e baravi
Me da mai vodo na lori na basi
Me rawarawa noda veitosoyaki
Rokotuicolo e vosa cake
Vei na vanua me mai tawani
Meu mai gunuva na wai vilari
Tekivu mai Kavanagasau, Nadroga kei Nadi
Lautoka, Ba, Tavua, Rakiraki
Yaco sara ki Nasereilagi
Tao ki ucui Namarai
Vanua qo sa taura tu na kabani
Me ra mai tu wale i baravi
Me ra mai kana kuvu wale
Nomu vosa e rogo vakatani
Tiko malua de o buturaki
Keu kauta mai na noqu dakai
Au vanai iko e daidai
Qai muri na veilewai
Baci yavala mai o koya na qase
Na seleiwau e yavalati
Tarova tu o koya mai wai
Wawa mada noqu tagane
Meu sa tei vosa mada yani
Ni rogoca na turaga bale
Ira oqo noqu mataqali
Keimami veitauvutaki
Au sikovi ira na veiyabaki
Au kilai ira vakamatailalai
Ra dabeca tiko qo na uma daimani
Ra gunuva tiko na wai makare
Kakana ka biu i wai
Ra ceguva tiko na cagi ni tabale
Mosoni qori sa yamaraki
E tucake o Navosavakadua
E dua na ka au via tukuna
O au sa mate bula
Vakararawataki au na matanitu
Au na lai sogo tu i Korovoula
Sogo tu e na rumu duadua
Sega na ti sega na suka
Soli vei au na madrai dukaduka
Tau na lewa ni matanitu
Meu na lai biu na kuro ni buka
Meu lai kama yavu vakadua
Rauta ni 5 na auwa
Vuniwai levu e qai taura
Vakarautaki na mita ni bula
Sa rui levu na kutukudua
Sa mucu na ka kaukauwa
Tau na lewa ni matanitu
Meu lauvana mate vakadua
Na sotia kece e ra yatu rua
Ra vakayagataka na gasau vuka
Viriseni fire e ra sa cavuta
Kuvu cake na kubou vulavula
Nanuma beka niu sa vuka
Au tu ga vakamalua
Lolou sobu vakamalua
Masu vua na Kalou bula
Na gasau kece au sa kubuta
Kaburaka e delai vuravura
Me ra vala na veimatanituya
Se bera tiko na ka kaukauwa
Dua na siga au na qai sauma
Tau tale na lewa ni matanitu
Meu sa sele musu vakadua
Vakabibi e ono na uma
Au vodo e loma ni laca buka
Veimama o Beqa o Suva
Au bala e loma ni wasa bula
Oti e 3 na auwa
Lesu mai na waqa e Suva
Sa dabe toka o Navosavakadua e na wavu
Kabi mai Satini Bua
Meda lesu tale i Korovoula
Sa lomaleqa na matanitu
Meu sa kau tani vakadua
Meu laki biu yani ki Rotuma
Tui Rotuma solia e dua na watiqu
Sucu na luvequ rau lewe rua
Dua na tamata dua na gata
Na gata sa biu e loma ni wasa bula
Tui Rotuma au sa mate vakadua e na siga nikua
Davo sobu ena loma ni loga tuva
Na i cegu sa oti vakadua
Davo e qele sa bogi rua
Ka tolu ni siga au sa bula
Au duri cake vakamalua
Tautauvata na Kalou bula
Au sa Kalou tamata nikua
E na i vakatekivu sa bula o koya na vosa
E rau sa tiko vata kei na Kalou koya na Vosa
A sa Kalou ko koya Navosa.