Fiji Time: 9:21 AM on Saturday 25 October

Fiji Times Logo

/ Front page / NaiLalakai

Mate vakaloloma ni cavuka: Na domona

UNAISI RATUBALAVU
Monday, March 05, 2012

SA ka vakadomobula ka vakaloloma e so na mate era dau kau yani ki valeniwawa mera laki maroroi kina.

E kaya o Mataiasi Kaloudraweti, na turaga ni Naisaumua, Verata, Tailevu ni nona cakacaka ni veiqaravi e na loma ni valeniwawa (mortuary) e na valenibula e Lautoka me dau maroroi ira voli na wekada era sa kacivi, e sa matau vei koya na raica tiko na yago ni tamata e na veisiga taucoko e na loma ni 28 na yabaki.

E vakadinadinataka sara talega o koya ni vuqa na veika vakadomobula e sotava e na vuku ni tavi e qarava voli e kea.

Ia, e dua na kisi ka se qai sotava vakadua e na nona laki maroroya na yagodratou e dua na veitinani marama ni Idia mai Ba kei iratou na luvena.

E laki maroroya na yagodratou na veitinani marama ni Idia oqo, ka sa musuki vakadua e na i sele na domoi tina ni gone mai na vo ni yagona.

Oqori e dua na na gauna e na sega ni na guilecava vakadua ena nona bula.

E lako sara ga na wai ni mataqu niu raici iratou na gone e na kena caka talega na i vakarau vakaloloma oqo vei iratou.

Ia, vei tinanigone, esa dua na ka e vakarerevaki e na gauna meu sa tovolea meu cobara lesu tale kina na domona ki na vo ni yagona,

Eda sa sega sara ga ni kila na mataqali i vakarau ni vakasama e dau yacova eso na tamata e na vuku ni nodra vakayacora tu eso na i valavala ni bula lolovira vaka oqo, e kaya o Mataiasi.

Tukuna o koya ni ratou sa qai semata tale na vuniwai na domona na tinanigone oqo ka vakatalega kina na domodratou na i solisoli.

E vuqa na kisi ni laba kei na kuna e dau laki maroroya o Mataiasi, ka ra dau yavavala talega ena gauna e dau moce kina ena bogi.

Kaya o Mataiasi ni sega ni tukuni rawa na domo ni kaikaila kei na so tale na rorogo ni vosa ka vakatakila ni a kau tani na nodra bula eso vei ira na wekada ena sala cala.

Oilei!, au via bula, oqori e dua na voqa e dau rogo vakawasoma e loma ni valeniwawa me vaka e kaya o koya.

E vakaraitaka oqori ni se gu na yalodra mera bula, ia, kena seva ni sa mai yalani koso na nodra bula e na i naki se lewa cala.

Nira sa dau kosakosa ga se yavavala mai taudonuya na lomanibai ni tolu na kaloko e na mataka lailai, era sa dau vosataki vei Mataiasi mera kua ni vakosakosa, baleta ni o ira era sa sega ni tiko ena vuravura oqo.

Au vinakata tiko meu na maroroi kemuni vakavinaka ni bera ni na laki vakotori vinaka na yagomuni e delaniyavu e sa maroroi mai vei ira na wekamuni, e kaya.

E dua na ka e vulica o Mataiasi me dau vosota ka vakarautaki koya vakayago, vakayalo ena vuku ni cakacaka oqo.

E kaya ni dodonu me na tiko vata kei na yalona o koya e sa na veisautaka tiko na yago kei na yaca donu me na biu tiko.

Kevaka ena veisautaki cala na yago, esa na dua na ka e vakamadua toka ena nomu cakacaka, baleta ni ko sega ni qarava vakavinaka.

Kevaka talega ena yali tiko na yalomu ko na sega ni qarava vinaka kina na nomu i tavi, e kaya o Mataiasi.

Kaya o koya ni se tekivu na nona veiqaravi e kea e se rere ka bunoca, ia, sa dewa tiko na kena veiyabaki e sa qai dei mai ka sa vorata rawa na i lati ni yalo rere.

Ena macawa mai oqo na kena mai buli na kena sere mai vei ratou na Waikoula kei Tavua.





Fiji Times Front Page Thumbnail

Kaila Front Page ThumbnailFiji Times & Kaila Frontpage PDF Downloads

Use the free Acrobat Reader to view.

Today's Most Read Stories

  1. Siblings in shock
  2. Forum lifts Fiji ban
  3. Farewell Duke
  4. Group of companies hold inaugural Pinktober celebrations
  5. Separating fact from myth
  6. Taskforce rakes in $500k in rent arrears
  7. Relief for farmers
  8. Key areas of development
  9. $620k for RHD fight
  10. $800 from craft show

Top Stories this Week

  1. Death shocks family Monday (20 Oct)
  2. Inside Fiji sevens Tuesday (21 Oct)
  3. Budget overspent Wednesday (22 Oct)
  4. Public access Tuesday (21 Oct)
  5. Kepa's not weak Friday (24 Oct)
  6. Forgery suspect still in remand Tuesday (21 Oct)
  7. Full pay while on leave Friday (24 Oct)
  8. $20m in excess Wednesday (22 Oct)
  9. Ryan's fight to help 7s Friday (24 Oct)
  10. $11.9m in arrears Wednesday (22 Oct)