Siliva tale o Viti

E ratou taba tu oqo na timi ni Viti ni oti na nodratou mai ciqoma na nodratou metali siliva ena sotasota ni Commonwealth. Veitaba: ELIKI NUKUTABU

E VAKADINADINATAKA o Gareth Baber na dauniveivakatavulici ni timi ni Fiji Airways Fiji 7s ni ratou sega ni yacova na vanua e gadrevi ena nodratou a qito ena sotasota ni Commonwealth 7s ena fainala kei Niu Siladi.

E tukuna o Baber ni doka vakalevu na vanua e ratou sa bau yacova na noda cauravou ena vica na macawa sa oti ena nodratou tekia e dua nai sausau vou mai Hong Kong ka vaka kina na kena yacovi na fainala ni Commonwealth 7s.

E kaya ni oti nai matai ni veimama, a botea rawa na i lati ni tataqomaki nei Niu Siladi o Paula Dranisinukula ia e ratou sa vakatulewataka toka na qito na cauravou ni Niu Siladi.

E tukuna o Baber ni a qito vinaka o Niu Siladi ka sa dodonu dinaga me nodratou na qaqa.

Na timi ni Viti ena vuka tale tiko ki Sigapoa ena macawa mai oqo, ena sotasota ni HSBC World Rugby Sevens Series.

Na timi ni Viti e karua tiko ena poidi, 123, liu tiko o Sauca Aferika ena 126, katolu o Niu Siladi ena 107.

Na sotasota ni Sigapoa 7s ena vakayacori tiko ena Vakarauwai kei na Siga Tabu.