Sega ni saumi

SA VAKADEITAKA na Minisita ni Qoliqoli o Semi Koroilavesau ni ra na sega ni sauma na laiseni ni qoli o ira na i taukei ni qoliqoli e na nodra wai ni qoliqoli,

E sauma tiko na vakatataro oqori o Koroilavesu e na gauna e taroga mai kina o Pramod Chand mai na i To ni Veisaqa, se cava na vuna e lavaki kina vei ira na lewe ni vanua e dua na i lavo levu me ra sauma kina na nodra laiseni ni qoliqoli.

E kerea talega ki na Palimedi o Koroilavesau me vakasukai na mosoni nei Chand, baleta ni ratou se cakacakataka tiko na Tabana ni Qoliqoli na lawa e na kovuta na kena soli na laiseni.

?Au vinakata me?u vakaraitaka ga e ke ni sa cakacaka sara tiko vakaukauwa na Tabana ni Qoliqoli e na kena vakavoui tale na laiseni ka ra sa tu makawa,? kaya o Koroilavesau.

Tomana e na nona kaya ni kena vakadikevi vinaka tale na laiseni oqo, me rawa ni ra rawa i lavo vakalevu kina o ira na i taukei ni qoliqoli, se o ira na nodra na i qoliqoli ka vakayagataki tiko.

?Na cakacaka oqo e sa vakadonui e na yabaki sa oti, ia, e sa qai vo tikoga na kena vakalawataki me qai okati me taurivaki.

?Kuria ni na va tiko na i vakatagedegede ni laiseni e ratou na vakarautaka tiko na Tabana ni Qoliqoli.

?Keitou namaka tiko ni na soli na laiseni me cici tiko e na loma ni 36 na vula, me vakatekivu mai na gauna e dua e taura kina na nona laiseni.

?Oqo talega e na vakavuna na kena soli vakarawarawa na veivuke vakailavo ki vei ira na sa tiko na nodra laiseni ni qoliqoli,? tinia o Koroilavesau.

Latest posts

More Stories