Sautu o Nakasayaga

E SAUTU na loma ni vanua ena i coi ni kakana kei na kakana draudrau ka vakadinadinataki e na colo kei Navosa. Esa dau i vakarau tu ni bula ni dua e gole cake ki na loma ni vanua esa dau tukuni tu vua ni sa na lako ka na laki oca na kania na kakana draudrau.

E SAUTU na loma ni vanua ena i coi ni kakana kei na kakana draudrau ka vakadinadinataki e na colo kei Navosa. Esa dau i vakarau tu ni bula ni dua e gole cake ki na loma ni vanua esa dau tukuni tu vua ni sa na lako ka na laki oca na kania na kakana draudrau.

Ia, e na loma ni vanua ko Navosa e sega ni dina nai tukutuku oqori, ka ni ra vutuniyau tale tikoga e na sasalu ni veiuciwai ka ni davo ka drodro malua no na uciwai na Sigatoka ekea.

E vakaraitaka ko Eliki Keni Vale ni sautu na uciwai ko Sigatoka e na ika na maleya se tilapia. E tomana ena nona i tukutuku o Keni Vale ni dua talega na ka na levu ni ika susu na ?grass carp? era sa bula voli e na ulu ni wai qo na Sigatoka.

?Keimami dau siwa ena uciwai qo ka rawa ni keimami rawata e 10 sara na ika susu ena dua na gauna ni siwa,? e kaya o Keni Vale.

E vakaraitaka o koya ni rua tiko na nona lawa ni qoli ka dau bala tiko na nona lawa e na veiyakavi kece sara.

E kaya ni dau mataka lailai esa dau mai taleva na vanua e dau bala tu kina na lawa esa dau yavavala tu na lawa e na levu ni ika.

?Au rawa ni rawata tiko e tolu kina na va na ika susu na ?grass carp? e na veimataka,? e kaya o Keni Vale.

Ena so na gauna e kaya ni dau lesu mai na teitei ena siga levu, esa na rawa ni dau mai vakasaqara tikoga na tavioka se dalo ka tokara tiko na wai katakata ena nona sa gole yani ki na uciwai na Sigatoka me la?ki nunu ika.

?Ena so na gauna e rawa ni tini ga na miniti au sa coqa tale e rua se tolu na kequ ika, ka?u sa cabe lesu tale ki vale me la?ki vakasaqarai tale,? e kaya o Keni Vale.

Ia, e vakadinadinataka na Tabana ni Nai Lalakai na i tukutuku e vakaraitaka tiko oqo ko Keni Vale e na kena donui e dua na soqo e na koro ko Nakasayaga e Navosa ka ra cabe mai na qoli na turaga.

Era colata sara tikoga mai na taga ika ena kena levu ka ra tukuna ni sa veivuke tu vei ira ena veisoqo kece e dau vakayacori ena loma ni vanua.

Ia, na vuanikau me vaka na moli, meleni, na sila kei na quwawa esa qai sega ni caka rawa sara ena kena sa vua tu ga mai ena kena veivula e dau vua kina.

Latest posts

More Stories