Saumi rawa e $100,000 vei ira na dauqito

E SA qai mai saumi rawa na vo ni lavo ka dodonu me na saumi vei iratou na dauqito ni Fiji Bati ka vakaitavi ena sotasota ni rakavi tiniaktolu ni vuravura ena 2017 (2017 Rugby League World Cup) ena nodratou yacova rawa na semi fainala.

Oya na veika esa vakadeitaka o Timoci Naleba na daunilewa ni Fiji National Rugby League (FNRL) ka tukuna ni sa vakagalalataki oti e $100,000 na i lavo ni Ositerelia vei ira na dauqito ka kuria o koya ni sa vakanamata qo na nodratou valenivolavola ki na timi me na sota tiko kei Papua Niu Kini ena vula mai oqo.

E tukuna o Naleba ni sa na veitomani tiko o Matt Adamson me na dauniveivakatavulici vakatawa ka na vakaitavi vakalevu tiko ena nodra digitaki na dauqito.

E tomana ni ra na vakayagataki vakalevu na dauqito e Viti ena veisotasota e tarava.

Na timi ni Fiji Bati ena sota tiko kei Papua Niu Kini ena i ka 23 ni vula mai oqo.