Rokovi Suva na timi ni Rewa

ENA sega ni taura vakarawarawa na timi ni Rewa na qito ena nodrau na sota tiko kei Suva ena sotasota ni Skipper Cup ena mua ni macawa qo.

Na timi ni Rewa esa qaqa oti vakatolu mai na lima na qito ka sa dabe toka ena i ka va ni itutu ena ituvatuva ni poidi ena 14 na poidi.

E vakaraitaka ko Petero Kaveni na manidia ni timi ni Rewa ni ratou rokova na timi ni Suva, ka ratou na solia taucoko na nodra kila kei na i gu ena Vakarauwai qo.

E kaya ni sota kei Suva ena sega ni qito rawarawa ka ratou na laveta cake tale na nodratou vakavakarau ena vuku ni qito qo. E tomana o Kaveni ni levu na timi ni Suva era sa yacova yani na timi ni Fiji Warriors kei na Flying Fijians ka ratou rokova kina vakalevu na timi ni Suva.

Ia, na timi ni Navosa ena sota tiko kei Naitasiri, Namosi ena sota tiko kei Nadi kei na timi ni Malolo ena sota tiko kei Nadroga.