Rawati na sasaga

?ESA vuabale tale na i lavo keimami mai rawata e dai, ka?u sa vakavinavinaka sara kina vakalevu ki vei ira kece na dodoliga mai kina?.

Qori na veika e cauraka mai ki na Na i Lalakai o Akosita Dakunivosa na i liuliu nodra nai soqosoqo vakamarama e na koro ko Vanuadina, Tokatoka e na yasana o Tailevu.

E kaya o Dakunivosa ni ra a lokuloku mai na i soqosoqo vakamarama ni koro ko Vanuadina e na yabaki sa oti, me ra tausoli e na siga Vakarauwai ni vakacagicagi ni Siganimate.

Tomana ni i naki levu ga ni nodra soli, sa i koya me ra na vakavinakataka na nodra valenilotu, na i yaya ni vakayakavi vakaturaga, na veika e lavaki mai na vanua, lotu kei na matanitu.

?E dai qo e dua na siga au sega ni tarova rawa na luluvu ni yaloqu, e na noqu raica na lewe levu ni tamata ka vakakina na i lavo keimami rawata, e keimami sega ni tadra rawa.

?Neimami nanuma na marama, ni o keimami ga na tiko e nakoro, keimami na mai soli, ia, niu sa raici ira na qai mai e dai, kei na i sema dra ni vanua o Naiwau, sa da vakavinavinaka ga ni tiko e dua na Kalou Bula,? kaya o Dakunivosa.

E totoka na draki ni soqo e na siga oya, ka wase rua ga na bolabola, dua na bolabola e nodra na vakawati yani ki Vanuadina, ka ra tawana na valenisoqo o ira na i taukei ni koro,

Era dui soli ga na marama mai na nodra dui i cili, ka qai mai soqoni kece ki na nodratou bolabola na vakawati yani.

Na gauna era sa gole yani kina na marama i taukei ni koro ki na nodratou bolabola na vakawati yani, e katuvu na mauwe kei na tauratale e sega ni tukuni rawa.

Ni qai la?ki dre ko Malolo e na yakavi ni siga oya, e ratou sa kumuna rawa na i soqosoqo vakamarama e na koro ko Vanuadina e sivia e $14,000.

Sa vakavinavinaka sara vakalevu o Dakunivosa ki vei ira yadudua na cau yani e na nodra sasaga na i soqosoqo vakamarama, ka sa nuitaka ni na sobura na nodra dui matavuvale na veivakalougatataki ni Tamada sa cecere sara.

Latest posts

More Stories