Railesu o Baber

E TUKUNA o Gareth Baber na dauniveivakatavulici ni timi ni Fiji Airways Fiji 7s ni tautauvata vakaoqo ena yabaki sa oti eso vei iratou na noda cauravou dauqito esa qai matai tiko ni nona vuka ki valagi ena sotasota ni HSBC World Rugby Sevens Series. E kaya o Baber, ni oti e dua na yabaki, na cauravou dauqito tikoga oqo esa qai matau ka qaseta vinaka mai nai walewale ni qito kei na nona veiqati tiko na timi me na rawata nai covi ni sotasota taucoko.

O rau na dauqito qo o Paula Dranisinukula kei Josua Vakurinabili ka rau a tekivu qito ena sotasota ni Parisi kei Lodoni ena yabaki sa oti. E taura vinaka na gauna vua e dua na dauqito me matau ena i tuvaki ni draki ni rara levu.

E kaya o Baber ni dua na vanua dredre, e sega ni rawa ni vosoti, ia oya na rakavi ena vuravura levu. E kuria o Baber ni nanuma ni o iratou na nona dauqito qo e ratou sa vuli vinaka mai na gauna e tauri ratou vata voli mai.

A tekivutaki na sotasota mai Lodoni ena 2001, ia e a rawata ga vakarua o Viti nai covi mai kea ni oti e veiya lima na yabaki.

A rawata nai covi mai Lodoni o Viti ena 2006 kei na 2012.

Na timi ni Viti e tobu vata tiko kei na timi ni Niu Siladi, Argentina kei Sikoteladi ena sotasota qo mai Lodoni ka na vakayacori tiko ena i ka 2 ki na i ka 4 ni Jiune.