Qito vakatobu mai Hong Kong

ESA mai kacivaki rawa na sotasota vakatobu ni qito mai Hong Kong ena vula mai oqo.

Na timi ni Fiji Airways Fiiji 7s ena liutaka tiko na Tobu A ka na qito tiko kina kei na timi ni Niu Siladi, Rusia kei Samoa. Ena sotasota ni Tobu B ena qito tiko kina na timi ni Kenya, Ositerelia, Spain kei Canada.

Ia, ena sotasota ni Tobu C ena qito tiko kina na timi ni Sauca Aferika, Igiladi, Sikoteladi kei na Ceva kei Korea (South Korea). Na timi ni USA ena qito tiko kei na timi ni Argentina, Welesi kei Varanise ena Tobu D.

Ena vakayacori tiko na sotasota ni Hong Kong 7s ena i ka 6 kina i ka 8 ni Epereli mai oqo.

Ia e dua na bolebole levu e ratou na sotava na timi ni Viti ena vula mai oqo ena vuku ni sotasota ni Commonwealth Sevens ka na vakayacori tiko ni oti na sotasota ni Hong Kong 7s, mai na i ka 13 ki na i ka 15 ni Epereli.

Ni na oti na sotasota ni Commonwealth Games ena qai vakayacori na sotasota ni Singapore 7s ena i ka 28 kina i ka 29 ni vula mai oqo.

E ratou sa mai karua tiko na timi ni Viti ena i tuvatuva ni poidi ni HSBC World Rugby Sevens Series ena 101 na poidi, ka liu tiko o Sauca Aferika ena 109 na poidi.