Qito tale na Pearls

E RATOU sa rawa ni vakaitavi tale na timi ni Fiji Pearls ena sotasota ni 2019 Netball World Cup ni oti na nodratou qaqa vei Papua Niu Kini ena 55 kei 34 ena sotasota ni ‘Oceania Regional Qualifier’ ka vakayacori tiko mai Okaladi e Niu Siladi.

A liu taumada na Pearls ena 20 kei 5 ena i matai ni kota ena nodrau sota, ka mani ratou mai liu na timi ni Papua ena 11 kei 10 ena i ka tolu ni kota, ia e mani seva ni ratou la’ki cava ena dua na vanua vinaka na noda goneyalewa ka ratou qaqa rawa kina.

Esa rawa ni qai vakaitavi o Viti ena i ka ono ni gauna ena sotasota ni Qito ni vuravura ena qito netball. E dua talega na timi esa rawa ni na vakaitavi ena qito ni vuravura na timi ni Samoa ni oti na nodratou vakadruka na timi ni Yatu Kuka ena 50 kei 45 ena sotasota ni ‘Oceania Regional Qualifier’.

Ia, e rau na sota tiko o Viti kei Samoa me na qai macala kina vei rau na timi qo me na liu ena sotasota qo, ia na timi ni Yatu Kuka ena qai sota tiko kei Toga.