Qito lewe ya vitu mai Ovalau

E RATOU sa na cakava tiko e dua na sotasota ni rakavi lewe ya vitu na timi ni Qereqere ena rara na Nasau Park e Ovalau e na vula qo. Ena i nakinaki ga e tiko ena kena tomani tiko ga na kena maroroi na i tuvaki ni yago ena kena mai cava na gauna ni sotasota vaka kalavo ni rakavi mai Ovalau esa na valataki tiko e $2000 kei na dua na bilo o koya e qaqa e na sotasota qo.

Na timi e na druka e na fainala ni bilo e na kauta tiko e $900 kei rau na timi e druka e na semi fainala e na rau ya $400. Na timi e na qaqa e na Veleti e na nona tiko e $350 kei na timi e druka e na fainala ni Veleti e na nona tiko e $200.

E na tiko talega nai covi e na veisotasota kece me vaka e vakaraitaka mai o Paul Andrews e dua na i vakalesilesi ni ni timi ni Qereqere. E tomana o Andrews ni se qai kena i matai ni gauna me na cakava e dua na sotasota ni rakavi lewe ya vitu na timi qo ni Qereqere ka ni qito tiko e na ruku ni Unioni ni rakavi e Ovalau.

Esa na tauri tiko nai matai ni 32 na timi ena sotasota qo. E sureti talega na timi mai Viti Levu e na sotasota siga rua qo ka cici vata tiko na sotasota qo kei na basa ni valenilotu ni Ovalau Anglican Church. Ia, na i curucuru ni qito e $200 ia esa vakadeitaka na nona na vakaitavi e na sotasota qo na timi ni Waidradra mai Navua.

Latest posts

More Stories