O cei na noda lewe ni Bose Yaco

ESA mai digitaki oti e 15 na Minisita ka lima yani na kena minisita veivuke ka ra sa mai vosa bubului oti e Vale ni Kovana, se nodra i tikotiko na Peresitedi ni noda vanua ena macawa sa oti.

A mai vakayacori na nodra vosa bubului ena Vukelulu sa oti vua na Peresitedi, Ratu Epeli Nailatikau ni noda vanua kei na matadra na vulagi sureti.

E kaya na Minisita vou ni i Lavo, Aiyaz Sayed- Khaiyum ni na qai vakaraitaki raraba na i tukutuku vakailavo ni kedra i sau na lewe ni Palimedi, vakauasivi vei ira na lewe ni Bose Yaco ena dua na gauna lekaleka mai oqo.

Era sa vakauta tiko mai na nodra i tukutuku ni vakanuinui vinaka ki na noda matanitu vou ena kena sa lesu tale ki na kina mai vei ira na veimatanitu e valagi demokarasi na noda vanua, ni mai cava na veidigidigi ni oti e walu na yabaki na noda cicivaki mai ena matanitu ni oti na i ka va ni vuaviri ena 2006.

Sa i koya oqo o ira na yacadra na noda Bose Yaco vou:

1) Voreqe Josaia Bainimarama- Paraiminisita ka Minisita ni Suka kei na Veika Vakaitaukei.

2) Aiyaz Sayed- Khaiyum- Minisita ni veika vakailavo, tabacakacaka ni matanitu, veivoli kei na saravanua.

3) Jioji Konrote- Minisita ni Cakacaka, kei na veimaliwai vakacakacaka.

4) Jone Usamate- Minisita ni Bula.

5) Doketa Mahendra Reddy- Minisita ni Vuli.

6) Mereseini Vuniwaqa- Minisita ni Qele kei na i Yaubula

7) Osea Naiqamu- Minisita ni Qoli kei na Veikau

8) Rosy Sofia Akbar- Minisita ni Marama, Gone kei na Valuti ni Dravudravua

9) Timoci Natuva- Minisita ni Curu Vanua, kei na Mataivalu ni vanua.

10) Inia Seruiratu- Minisita ni Teitei, Veivakatoroicaketaki ni Taudaku ni koro lelevu kei na vakavakarau ni leqa tubu koso.

11) Laiseni Tuitubou- Minisita ni Tabagone kei na Qito

12) Praveen Kumar Bala- Minisita ni Matabose ni veikoro, veivakavaletaki kei na veika bula.

13) Faiyaz Koya-Vunilawa ka Minisita ni Lawa.

14) Pio Tikoduadua- Minisita ni Veivakatoroicaketaki kei na Veilakoyaki.

15) Ratu Inoke Kubuabola- Minisita ni Veika ni Vanua Tani.

Vukevuke ni Minisita

1) Joeli Cawaki- Vukevuke ni Minisita ni Teitei, Veivakatoroicaketaki ena taudaku ni veikoro lelevu kei na vakavakarau ni leqa tubu koso.

2) Veena Bhatnagar- Vukevuke ni Minisita ni Bula

3) Lorna Eden- Vukevuke ni Minisita ni Veika vakailavo, Matabose ni tamata cakacaka, veivoli kei na saravanua.

4) Vijay Nath- Vukevuke ni Minisita ni Vuli

5) Iliesa Delana- Vukevuke ni Minisita ni Qito kei na i Tabagone.